OS NENOS E NENAS DE 4 A 12 ANOS PODERÁN DISFRUTAR ESTE VERÁN DE PATINAXE, TENIS, XOGOS TRADICIONAIS E XOGOS NA PRAIA. A INSCRICIÓN NESTA ACTIVIDADES, QUE ORGANIZA A CONCELLERÍA DE DEPORTES DE BURELA, ÁBRESE MAÑÁ, 18 DE XUÑO.
Burela, 17 de xuño de 2013. Mañá ábrese o prazo de inscrición nas actividades deste verán que organiza a Concellería de Deportes de Burela. Están dirixidas a todos os/as nen@s nad@s en Burela entre os anos 2000 e 2009 e darán comezo o vindeiro 1 de xullo. Haberá: patinaxe, xogos tradicionais, xogos na praia e tenis.
A edil Beatriz Piñeiro explica que “as follas de inscrición entregaranse no Concello desde mañá e ata o 26 de xuño. Todo aquel que non teña formalizada e entregada a ficha de inscrición nas datas indicadas, non poderá asistir ás actividades”.
Esta programación de verán dará comezo o 1 de xullo e rematará o 30 de agosto. A concelleira de Deportes sinala que “estas actividades levaranse a cabo no CEIP Virxe do Carme, na praia urbana e nas pistas de tenis da Marosa de luns a venres, de 11 a 12:30 horas para os nenos e nenas con idades comprendidas entre os 4 a os 7 anos e de 12:30 a 14 horas para o grupo de 8 a 12 anos”.
Beatriz Piñeiro engade que “en todas as actividades existe un número máximo de prazas para asegurar o correcto funcionamento dos grupos, así coma un número mínimo para poder realizalas. O grupo de 4 a 7 anos contará con 15 prazas e o grupo de 8 a 12 anos con 25 prazas. A adxudicación das mesmas farase por rigorosa orde de inscrición e en caso de quedaren prazas vacantes unha vez iniciadas as actividades, completaranse os grupos seguindo esa lista”.
Os luns haberá patinaxe, os martes xogos tradicionais, os mércores e os venres xogos na praia e os xoves tenis.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
