A Xunta de Goberno deste venres aprobou un convenio de colaboración coa Fundación Centro Galego de Solidaridade Proxecto Home para o desenvolvemento dun programa de inserción laboral dirixido a persoas en risco de exclusión social. Este colectivo sen ánimo de lucro e declarado de interese galego atende na actualidade a máis dun cento de lucenses, ós que lles ofrece actividades formativas para que atopen traballo, por exemplo, iniciativas vinculadas á gandeiría. Con este convenio, a Deputación cederá a Proxecto Home as instalacións da Granxa Gayoso Castro para o desenvolvemento de novas actividades formativas. Ademais, achegará tenreiros frisóns para incorporalos ó cebadeiro que este colectivo social puxo en marcha en Bergondo, dando emprego a 5 persoas, co obxectivo de contribuír ó mantemento desta iniciativa e á súa ampliación para dar traballo a máis xente.
Por outra banda, a sesión aprobou as obras de conservación da rede viaria provincial na zonas 2 e 6, que comprende 16 Concellos lugueses, polos que discorren 1.000 quilómetros. O orzamento para estes traballos é de 676.600 euros. Concretamente, na conservación da zona 2, con 618 quilómetros de vías provinciais polos municipios do Valadouro, Foz, Alfoz, Barreiros, Lourenzá, Ribadeo, Trabada, Mondoñedo, Abadín, Riotorto, A Pastoriza e A Pontenova, a institución inviste 341.000 euros. Encargaranse destes traballos 24 operarios e 10 vehículos. Na zona 6, para a conservación dos 334 quilómetros de vías provinciais en Becerreá, Cervantes, As Nogais e Pedrafita do Cebreiro, achéganse 335.600 euros. Mobilízanse á zona 8 operarios e 8 máquinas.
O voceiro provincial socialista, Manuel Martínez, explicou que este presuposto engádese os 2 millóns de euros que o organismo provincial inviste nas tarefas de mantemento das estradas provinciais dos restantes 51 Concellos lugueses. “En total, reforzamos a conservación da rede viaria provincial máis extensa de España con case 2,7 millóns de euros. Facemos un importante esforzo inversor para o mantemento de 4.200 quilómetros mentres Feijóo mantén bloqueado, dende 2009, o proceso de transferencia de estradas. Todo isto, cando a Xunta conta cun orzamento 100 veces maior ó da Deputación de Lugo e con 5.500 quilómetros de vías baixo a súa responsabilidade. Unha mostra máis de que Feijóo castiga a esta provincia e discrimina ós lucenses”, remarcou.
Centro de Interpretación
Becerreá contará cun Centro de Interpretación que porá en valor os recursos naturais da Reserva da Biosfera os Ancares Lucense para o impulso da economía lucense e a xeración de emprego, combatendo o despoboamento demográfico. A Xunta de Goberno aprobou o convenio con este Concello para a posta en marcha desta iniciativa, que se situará nas instalacións do Consistorio. Trátase dun proxecto enmarcado no Lug02, dotado de 45.500 euros, cofinanciados nun 80% por fondos europeos. Martínez salientou que con esta dotación “dá resposta a unha das solucións que plantexaron os expertos do Lugo Reacciona para loitar contra a sangría demografíca: potenciar o turismo. Con este centro promocionaremos a riqueza da zona, dando conta de todas as posibilidades naturais, turísticas, gastronómicas, etnográficas ou patrimoniais. Crearemos emprego, xa que nestas instalacións haberá novo persoal para atender ós visitantes. Ademais, impulsaremos os negocios da zona, mantendo postos de traballo e incrementando os seus beneficios. En definitiva, é unha iniciativa medioambiental encamiñada a potenciar a economía lucense”.
Xunto ó de Becerreá, a Deputación abrirá na Reserva dos Ancares Lucenses outros dous Centros de Interpretación en Navia de Suarna e Cervantes. “Poremos en marcha unha rede de centros para impulsar a economía e o emprego da Montaña luguesa, combatendo, deste xeito, o despoboamento que sufre esta zona, a máis perxudicada na provincia logo de anos de discriminación da dereita, que privou ós veciños de prestacións públicas”, subliñou.
Sobre outros acordos, a Xunta de Goberno aprobou as contas xustificativas de 5 obras do Plan de Comunidades Veciñais, executadas en núcleos rurais de Monterroso, Taboada, Monforte e Alfoz, por valor de 42.400 euros, financiados na súa totalidade pola Deputación.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
