Burela, 18 de outubro de 2013. O alcalde de Burela, José Mª González Barcia, agarda seguir contando coa axuda da Xunta de Galicia “para formar a máis desempregados e así axudar a mitigar a lacra do paro”. O rexedor e o concelleiro de Emprego, José Casas, acompañaron á delegada territorial da Xunta en Lugo, Raquel Arias, na visita cursada ao Centro de Formación Ocupacional burelés onde botou a andar un curso de monitor de deportivo.
González Barcia contou que “hoxe asistimos xunto coa delegada territorial da Xunta, Raquel Arias, á posta en marcha do curso de monitor deportivo que se celebra nas instalacións do Centro de Formación Ocupacional do noso concello e que ten unha duración de 318 horas destinado para 15 alumnos”.
O rexedor declarou que “para nós a posta en marcha desta nova actividade de formación de desempregados é unha boa noticia, máxime tendo en conta que se está dirixindo a un ámbito de traballo, a un nicho de emprego que pode ser fundamental nos próximos anos. Sabemos e somos conscientes de que na zona e tamén aquí, en Burela, fan falta persoas cualificadas en canto ao mundo do deporte”.
O alcalde burelés recoñeceu “a sensibilidade da Xunta de Galicia no que se refire ao noso concello, porque con este xa son 5 os cursos que a Xunta subvenciona ao cen por cen en Burela. A través destes cinco cursos 75 persoas estiveron ou estanse formando na actualidade de cara a poder atopar traballo nos próximos meses. Nestes cursos, aparte da certificación acreditativa de ter feito o curso, que é un título homologado, entrégase tamén un certificado de profesionalidade”.
José Mª González Barcia tivo palabras de agradecemento para a Xunta de “nosoutros estamos enormemente agradecidos á Xunta porque estamos traballando coas persoas desempregadas en dous ámbitos fundamentais: por un lado, o da formación para facilitarlles o acceso ao mundo laboral; e por outro, a orientación laboral que facemos a través da orientadora laboral e da axente de emprego”.
O alcalde espera e confía “en que para o próximo ano o Concello de Burela siga recibindo subvencións da Xunta de Galicia co obxectivo de poder continuar nesta labor de formación de persoas desempregadas e así axudar a mitigar a lacra do paro”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
