Coñecer San Martiño

A Asociación de Comerciantes (Acia-Foz) que preside Xosé Carlos Paleo ven desenvolvendo un laudable labor a prol da promoción do comercio tradicional valéndose dos resortes que baseados nos alicientes gastronómicos, festivos, lúdicos ou culturais, poden resultar de interese para o común dos cidadáns. Neste senso anúnciase para datas vindeiras unha iniciativa pola que o cronista felicita ós promotores: trátase de algo tan sinxelo como é a visita a San Martiño; o desprazamento e retorno en autocar coa compaña dunha guía que asesorará ós participantes sobre a historia do cenobio; dos valores arquitectónicos e artísticos; da tradición como hospital de peregrinos; de cómo a piques estivo de ser derrubado e cómo se evitou; das nominacións dc monumento nacional, Bic ou Basílica..Trátase, pois, dunha visita didáctica que permita a propios e estranos un coñecemento mais amplo da realidade e o significado cultural do que è o maior activo que os focegos temos neste eido e do que debemos sentirnos ledos e amantes e, polo tanto, defendelo e salvagardalo das agresións, veñan de onde queira. Pero a verdade axiomática é que non pode amarse o que non se coñece; cando os valores se ignoran ocurre que non se albisca a trascendencia que tenen, por exemplo, para a faceta económica que representa o turismo, atraído cada vez mais polos feitos culturais.Posiblemente numerosos focegos só saiban da importancia de San Martiño por oídas; das populares lendas ou da anual romería do Bispo Santo; ésta que ofrece ACIA-Foz é unha oportunidade atractiva, sen esforzo nen dedicación, para profundar nel e mellorar a bagaxe de coñecemento referido ó mesmo. Só a falta del pode dar creto á agresión que hai uns anos se cometeo coas obras dos retretes no seu entorno; actuación á que niguén puxo reparo e que dende o concello se defendeo a capa e espada,,.incrible! A excepción fora a Asociación de Vecjños da parroquia que se opuxo, presentando un proxecto alternativo respetuoso coas vetustas pedras, das que Cunqueiro dixera que “parecen labradas por mans imposibles”…

Suso Fernández