Lugo 11 de novembro de 2013.- A voceira do PP na Deputación de Lugo, Elena Candia, censurou este luns que só o 5% dos mariñáns teñen a opción de participar na selección do Plan de Emprego promovido pola Deputación Provincial de Lugo.
Neste senso, a popular matiza que só dous dos 15 concellos que integran a comarca, están integrados neste plan; o que evidencia un proxecto “discriminatorio” que crea concellos de primeira e de segunda sen guiarse por criterios “lóxicos”. Tanto é así que existen municipios excluídos cunha maior porcentaxe de parados respecto ás dúas localidades que si poderán participar deste plan público de emprego.
Un total de 70.648 mariñáns excluídos
Desta maneira, o 94,72% dos veciños da comarca non teñen nin tan sequera opción a participar no proceso de selección do Plan de Emprego promovido polo bipartito provincial.
Desta forma, os populares amósanse críticos con que un total de 70.648 mariñáns, dun censo poboacional de 74.589 habitantes, estean excluídos deste plan. Un feito que critican os populares, que reivindican a igualdade de dereito de oportunidades entre os parados dos diferentes municipios.
Dende o PP critican que o bipartito da Deputación de Lugo estea a crear cidadáns de primeira e de segunda, en función do municipio de residencia; ao tempo que lamentan que este plan de 2.000.000 millóns de euros só vaia dirixido ao 5% da poboación da Mariña, en concreto aos concellos de A Pontenova e Trabada.
A popular tacha de “non ético” a situación que se está a dar e amosa a dispoñibilidade do seu grupo que solicitará unha pleno extraordinario para modificar este plan promovido por unha institución desde a que se están a destinar fondos públicos para favorecer só “a uns poucos” creando “discriminacións entre os parados”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
