Lourenzá, 4 de xaneiro de 2014. Lourenzá participará no macroentroido que se celebrará en Santiago de Compostela este vindeiro domingo, día 9 de febreiro, organizado pola Axencia de Turismo de Galicia, evento no que participarán os Carnavais máis famosos da comunidade autónoma. O Concello e a asociación de comerciantes, industriais e autónomos de Lourenzá (ACIAL) darán a coñecer o desfile do Domingo de Piñata e os atractivos do municipio.
A alcaldesa, Emma Álvarez Chao, anunciou hoxe que “o vindeiro domingo, día 9 de febreiro, o concello de Lourenzá estará presente no macroentroido que organiza a Axencia de Turismo de Galicia para promover os entroidos galegos. O Domingo de Piñata de Lourenzá estará acompañado de carnavais tan importantes e declarados como festa de interese turístico como os dos Xenerais, Vilaboa, Portas de Galicia, Xinzo de Limia, Maceda ou Manzaneda”.
A rexedora municipal de Lourenzá engadiu que o obxectivo da participación neste evento “é promover o noso desfile e con iso tamén dar a coñecer o concello” e explicou que “para acceder a este macroentroido contamos coa colaboración da asociación de comerciantes local”.
“Non soamente estaremos presentes cos típicos folletos e a información que poidamos ofertas aos touroperadores que, dende tódolos puntos de España e tamén do exterior, se van concentrar en Santiago para coñecer os entroidos que se celebran en Galicia. Nós levaremos un produto típico do noso concello, que son os mazapáns, un doce que se acostuma a facer en tódolos fogares do concello de Lourenzá. Gravamos un vídeo para que, ademais de poñelos á venda para que os poidan degustar as persoas que se acheguen ao stand do Domingo de Piñata de Lourenzá, tamén se vai explicar como se elaboran a través dese vídeo. Ademais levaremos algún disfrace dos máis impactantes que houbo nos últimos anos aquí no Domingo de Piñata. E, por suposto, para participar no desfile que percorrerá varias rúas do concello de Santiago (San Francisco, Obradoiro, Fonseca, Vilar, O Toural, Praza das Praterías, …) botamos man da charanga Os Macanudos, de Barreiros, que dende a súa constitución é asidua ao Domingo de Piñata de Lourenzá”, comentou Emma Álvarez.
Ademais a alcaldesa salientou que “pretendemos dar a coñecer unha forma diferente de Entroido, posto que os outros, que están declarados de interese turístico galego e que estarán presentes nesta cita, teñen unha transcendencia histórica. O noso Entroido tamén é importante e é unha forma diferente de vivir esta festa en Galicia. Ten unha traxectoria histórica tamén, posto que dende principios do século se acostuma a facer, primeiro bailes o Domingo de Piñata e dende a década dos 90 vense facendo un desfile polas rúas do pobo que cada vez atrae a máis participantes e visitantes de sitios dispares. Eu recordo que concretamente hai dous anos un dos grupos gañadores veu dende Xinzo de Limia a participar no noso Entroido. Entón o obxectivo de ir a Santiago é para que vexan un Entroido diferente en Galicia e que aquelas persoas que queiran vir pasar a Galicia a época de Entroido poidan iniciala en concellos do interior de Ourense, onde teñen unha tradición histórica e cunhas figuras que xa teñen a súa entidade, e poidan rematar no Entroido de Lourenzá o domingo posterior ao martes de Carnaval”.
A rexedora rematou explicando que o desfile que está previsto facer en Santiago o vindeiro domingo “sairá ás once da mañá da avenida de Xoán XXIII e percorrerá distintas rúas de Santiago para rematar no Obradoiro ás doce e cuarto aproximadamente. Despois das intervencións das autoridades, como o presidente da Xunta e a secretaria xeral de Turismo, na Praza do Obradoiro estarán colocadas as jaimas con tódolos Entroidos participantes, entre eles o de Lourenzá, e cada un fará un espectáculo nun palco central”.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
