Cervo, 20 de febreiro de 2014-O alcalde de Cervo, Alfonso Villares, desprazouse este xoves ata Lugo para entregar e rexistrar en persoa o xustificante conforme o Concello pagou este mércores, con fondos municipais, a multa de 20.000 imposta pola Deputación ao consistorio.
Un acto simbólico co que o mandatario cervense quixo lembrar que “esta multa é inxusta, arbitraria e desproporcionada” e que a Deputación “foi inflexible e actuou de forma drástica, preferindo impoñer unha sanción tan dura en lugar de dialogar”.
A multa da Deputación ao Concello de Cervo está relacionada coas obras de saneamento da Senra. “Este núcleo precisaba unha rede de saneamento e estivemos traballando para conseguila. Foi a Xunta a que decidiu asumir o gasto, investindo 400.000 euros para acometer o proxecto” explica o alcalde. No mes de outubro de 2010 iniciáronse as obras, que se desenvolveron con normalidade ata que uns meses despois chegou ao Concello un escrito da Deputación avisando da apertura do expediente sancionador. “Non houbo aviso previo. Non houbo diálogo algún. Simplemente nos informaron da multa” lembra Villares. “Unha multa a un Concello, a todos os veciños dun municipio, non é o camiño, e dende logo non pode ser a primeira e única opción”.
Falta de vontade
O Concello de Cervo dende o primeiro momento considerou que a multa estaba “fóra da lóxica” e que rachaba co principio de “axudar, colaborar e cooperar cos concellos” que deben seguir as deputacións. Por iso, inmediatamente iniciáranse diversas medidas para tentar que o Goberno Provincial reconsiderase a súa postura, todas elas sen éxito. Levouse o asunto aos plenos das corporacións local e provincial, e enviáronse escritos. “Este asunto podíase resolver entre as dúas administracións, sempre que houbese vontade por parte da Deputación. Pero quedou demostrado que non a había”.
Unha multa aos veciños
“É unha pena que a Deputación cargue contra os veciños de Cervo. É unha mágoa que os veciños de Cervo teñan que pagar 20.000 euros de multa. Pero sobre todo é moi triste que sexa unha veciña nosa a que nos multe”. Villares refírese á vicepresidenta da Deputación e voceira do PSOE en Cervo, que “votou a favor de sancionarnos. Ela foi parte responsable. Ela dixo si a multar aos seus propios veciños”, engade o rexedor.
O mandatario cervense tamén lamenta que a Deputación “só se lembre dos cervenses para sancionalos” e nunca para levar a cabo obras ou proxectos necesarios no municipio e que son da súa competencia. “Dános moita lástima saber que non podemos contar co Goberno Provincial” explica, e lembra algunhas das actuacións para as que o Concello pediu axuda: a adquisición dos terreos para ampliar o Museo Provincial do Mar, a execución dos accesos ao polígono de Cuíña, ou incluso “outras colaboracións do día a día”, como prestar maquinaria para acondicionar as praias ou as estradas. “Esa é a grande diferenza entre o Concello de Cervo e outros concellos da provincia. Nós pedimos á Deputación e nunca recibimos nada”.
O nunca visto
O rexedor lembra que “nunca antes a Deputación arremetera contra un concello e os seus veciños”. “Lamentamos profundamente esta actitude. A Deputación non axuda aos veciños, e aínda por riba réstalles recursos” asegura Villares, que engade que “o Concello podería destinar estes 20.000 euros a actuacións que beneficiasen aos veciños”. “Nós só queremos traballar. E que polo menos, se non nos axudan, que tampouco nos poñan obstáculos”. O mandatario cervense remata cun desexo: “Nada nos gustaría máis que rectificasen e a partir de agora comezasen a colaborar para, entre todos, seguir traballando por Cervo. Sumando, e nunca restando”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
