Cervo, 21 de febreiro de 2014. O BNG de Cervo, despois de ter recibido avisos da veciñanza, sobre o cando menos “pouco coidadoso” xeito de proceder do goberno local nunha obra executada con medios propios municipais no Conxunto Histórico Artístico de Sargadelos, declarado Ben de Interese Cultural en 1972. Os nacionalistas reclamaron no rexistro municipal informes e permisos de Patrimonio, protocolo de execución e toda a documentación relativa a estas obras ao considerar, unha vez visitadas que non se están executando conforme ao coidado que require a catalogación como BIC deste entorno natural e patrimonial.
Dende o BNG denuncian que o goberno local puido estar usando maquinaria pesada por riba de zonas do conxunto histórico sen seguir os protocolos de actuación para zonas de protección arqueolóxica e patrimonial. Executáronse movementos de terra e outros elementos propios do conxunto sen, en principio, atender a criterios patrimoniais nin realizar ningún tipo de prospección arqueolóxica previa nin seguimento por parte de persoal técnico de Patrimonio.
Os nacionalistas denuncian que as actuacións do concello parten dos danos provocados pola tala de varios árbores en mal estado pero inclúen melloras no canal da presa que curiosa e contraditoriamente na tarde de onte seguía ateigado de palés de obra, que ben puideran ser depositados alí ao executarse as referidas obras.
O BNG considera que os responsábeis municipais non fan seguimento das obras, ou non deron instrucións precisas sobre os protocolos a seguir nunha zona protexida como esta que require o máximo coidado e o cumprimento da lexislación, ao efecto de non danar ningún elemento patrimonial.
O BNG rexistrou nas dependencias municipais solicitudes para consultar a documentación referente ao proxecto das actuacións, permisos das autoridades de Patrimonio e protocolos de execución das obras. Así mesmo preguntan si previamente se realizaron catas arqueolóxicas tendo en conta o dano que podería causar o uso de maquinaria pesada na zona declarada BIC en 1972.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
