Mondoñedo, 2 de febreiro de 2014.- O Partido Popular de Mondoñedo quixo poñer en valor e agradecer a decisión da Xunta de Galicia de executar este ano a mellora do tramo da estrada LU-124, que une Mondoñedo coa A-8.
O PP explica que os traballos, de acondicionamento e mellora de trazado, que executarán nestes case sete quilómetros que van dende a saída de Mondoñedo ata o enlace coa autovía, permitirán que se poida circular por esta estrada con mellores garantías de seguridade e, en especial, agora que está chamada a captar novos vehículos procedentes da A-8.
O PP estivo sempre pendente desta infraestrutura
Os populares explican que esta resposta da Xunta de Galicia vén a demostrar o interese da administración autonómica para, dentro das dispoñibilidades orzamentarias actuais, dar solución ás demandas dos mindonienses.
Neste senso, o PP lembra que o propio conselleiro de Medio Ambiente, Agustín Hernández, mantivo no ano 2012 unha reunión con veciños da parroquia do Carme, en Mondoñedo, para tratar sobre a mellora desta vía. Un feito que, segundo os populares, demostra a boa dispoñibilidade do responsable do departamento autonómico, que visitou in situ a estrada.
Como mostra desta implicación, os populares tamén lembran que a consellería ten previsto, a maiores, a planificación e realización dunha mellora integral da estrada LU-124 de Mondoñedo a Vilameá.
Neste senso, os populares explican que foi en 2003, durante o goberno de Manuel Fraga, cando se redactou o primeiro proxecto de acondicionamento desta estrada. Despois, o propio conselleiro de Medio Ambiente contratara a redacción dun novo proxecto de trazado e cuxa execución forma parte da planificación da Consellería.
Isto, segundo os populares demostra que o seu partido estivo sempre pendente pola LU-124 e lembra a actuación de reposición de firme, mellora de drenaxe e repintado que levou a cabo a Xunta de Galicia no 2010 nesta estrada e que resultou danada como consecuencia directa da intensidade de circulación de vehículos pesados que traballaron na construción da A-8.
Só buscan rendibilidade política
Dende o PP explican que mentres algúns alcaldes buscan rendibilidade política inmediata, dende os gobernos populares intentan garantir solucións. Neste senso, pregúntanlle a Orlando González onde estivo cando o bipartito estaba na Xunta da Galicia.
Segundo o PP, daquela existía un proxecto para a mellora desta estrada elaborado polo goberno de Manuel Fraga e que permaneceu esquecido durante a estadía do bipartito na administración autonómica.
“Por que daquela non manifestou unha actitude activa en defensa dos seus veciños?”, pregúntase os populares; que contrapoñen esta actitude coa do Partido Popular, quen lembra, que foi o PP o que rexistrou unha moción para a adecuación desta vía toda vez que fose enlace coa A-8.
De novo un goberno do PP
O PP tamén agradece ao Ministerio de Fomento que nos orzamentos para 2014 se garantise unha partida que teña por finalidade darlle solución aos problemas xerados tralas obras da autovía, tanto as escorrentías como na LU-124.
Neste senso, lembran que tivo que estar un goberno popular no Estado para que se lle dera remate a esta infraestrutura, así tamén se preguntan que fixo Orlando González para que o anterior goberno central dese solución aos problemas da A-8.
Dispoñibilidade do Partido Popular
O Partido Popular de Mondoñedo tamén ofrece a súa colaboración coas entidades sociais, polo que, se amosa aberto e receptivo ás propostas que podan trasladarlle.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
