Como xa sospeitábamos dende o PSdeG-PSOE de Burela, e despois de ter a documentación das obras feitas no parque Rosalía de Castro, podemos dicir claramente que a chapuza feita dende o equipo de “desgoberno” é de campionato, podemos afirmar que as obras presentan deficiencias graves de seguridade e incumpre a normativa de parques infantís polo que os técnicos non deron a certificación a esa obra, e permanece pechada para o seu uso por parte dos nenos e nenas de Burela.
A chapuza feita é máis grave, si cabe, porque a obra xa está pagada á empresa que se encargou de facela, có que veremos o que nos custa arranxar este desaguisado ós veciños e veciñas de Burela visto que están a facer novas obras na instalación. Parece ser que o equipo de “desgoberno” do Partido Popular de Burela non é quen de dar unha explicación pública do que está a pasar con esta obra, o que nos obriga a actuar como goberno e explicarlles ós veciños e veciñas de Burela esta situación, o equipo de “desgoberno” do Partido Popular de Burela esconde a cabeza debaixo da terra como as avestruces.
Esperando a que se de unha explicación de estes feitos polo equipo de “desgoberno” do Partido Popular de Burela, temos varias preguntas que facer. ¿Cando se ten pensado arranxar este desaguisado por parte do equipo de “desgoberno” de Burela e abrir a instalación?, ¿canto lle vai custar ós veciños e veciñas de Burela arranxalo?, ¿é capaz o equipo de “desgoberno” de garantir a seguridade dos nenos e nenas que usen a instalación?, ¿quen foi o responsable da xestión desta obra?, esperamos contestacións nos próximos días.
A maiores disto calquera pódese constatar que as instalacións se están a usar igualmente por parte dos nenos e nenas de Burela, có perigo que isto supón para a súa integridade física sen que ninguén faga nada por evitalo, ¿ninguén do equipo de “desgoberno” vai a ser capaz de remediar esta situación na que se está a poñer en perigo a seguridade dos usuarios?, ¿quen se vai a facer responsable en caso de que pase calquera accidente (ogallá non haxa que lamentar nada)?. Son preguntas que non nos gustaría ter que facer pero a responsabilidade nos obriga.
Estes feitos demostran claramente a maneira de xestionar deste equipo de “desgoberno” do Partido Popular de Burela, un auténtico desastre para os veciños e veciñas de Burela.
Dende o PSdeG-PSOE de Burela esixímoslle ó Sr. Barcia como máximo responsable do Concello que solucione esta situación á maior brevidade garantindo a seguridade dos usuarios da instalación, xa que segundo el mesmo anunciou as instalacións serían inauguradas no pasado Nadal, e que se depuren as responsabilidades políticas que se derivan deste despropósito xa que como vemos algún membro deste “desgoberno” terá que asumir a súa total incapacidade para facer xestión pública.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
