CERVO, 20 DE FEBREIRO. Os socialistas de Cervo cren inauditas as últimas declaracións do señor, José Manuel Balseiro, en referencia á revitalización do comercio de proximidade, “como deputado autonómico confirma o seu compromiso de apoio e dinamización ás iniciativas que as entidades locais desenvolven en beneficio do comercio, iso sí, no Concello onde él mesmo é edil as subvencións deste tipo gastanse no repintado de pasos de peóns e sinais viarias”.
Lembran que a principios do pasado decembro xa denunciamos esta decisión do goberno do PP de Cervo, “é imposible aceptar como medida potenciadora do comercio, o repintado das marcas e liñas viarias. Non sabemos a quen pretenden enganar, pero iso, realmente, é aproveitar unha subvención para outro cometido moi distinto ó que supostamente tería que ir dirixida”.
Dende o PSOE de Cervo alégranse da noticia xa que o Concello se beneficiará duns 15.000 euros e comparten a idea de que “o noso comercio é importantísimo como elemento vertebrador da vila e constitúe un sector de relevancia para a reactivación económica e do emprego. Por iso, pedímoslle ó señor Balseiro e ó seu equipo que aproveiten este tipo de axudas para poñer en marcha accións ou medidas que axuden verdadeiramente ós nosos comerciantes”.
Por último, subliñan que “é unha magoa que a Xunta de Galicia non gaste máis esforzos en supervisar onde e cómo se invirten os cartos que se destinan a certos asuntos. Cremos que o repintado de pasos de peóns e sinais viarias non é o mellor proxecto para revitalizar o comercio cervense. Os 15.000 euros dos que falan estarían moito mellor gastados en campañas de sensibilización, aportacións á ACIA ou actividades que fomentasen a vida nos comercios e as propias compras”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
