A Asemblea local do BNG (Alfoz-Valadouro) ven de presentar unha proposta de acción conxunta nos Concellos de Alfoz e O Valadouro.
Trátase da demanda dun servizo de atención pediátrica nos nosos centros de saúde, xa que na actualidade a poboación do noso val vese obrigada a desprazarse até Foz para recibir o devandito servizo. “Nos documentos que vimos de presentar en ambos concellos móstrase unha doada solución para que os nenos do val poidan ser atendidos por un pediatra nos centros de saúde de Alfoz e Ferreira”.
A moción recolle a esixencia á Consellaría de Sanidade dun servizo de pediatría no centro de saúde do Concello do Valadouro polo menos un día á semana, e que outro día dispense consulta en Alfoz, tendo a posibilidade de que atenda indiferentemente nenos dun ou outro concello en calquera dos dous centros de saúde, facendo así que a atención pediátrica nos concellos de Alfoz e O Valadouro sexa de dous días á semana.
“Deste xeito, a poboación de cada un dos nosos concellos tería acceso a un pediatra un día á semana no seu centro de saúde, pero en caso necesario podería asistir á consulta do centro de saúde veciño (cómpre sinalar que a distancia entre ambos os dous centros sanitarios é de tan só 4 km.), beneficiándose así de dous días á semana de servizo sanitario pediátrico”.
Os nacionalistas argumentan que “na actualidade as familias con fillos en idade pediátrica teñen que desprazarse até Foz para recibir atención médica especializada. Amais de verse obrigados a percorrer a devandita distancia cos nenos enfermos, acontece que en moitas ocasións as citas previas son concedidas para cinco días despois de ser solicitadas”.
“O feito de non contar con servizo pediátrico no centro de saúde local repercute negativamente, primeiro na atención sanitaria da infancia, pero indirectamente afecta á fixación de poboación no rural, na calidade de vida que ofrece o noso concello a posíbeis novas familias, e en definitiva a un saldo demográfico negativo que afecta ao Valadouro dende hai décadas. É dicir, o feito descrito, necesariamente vai desanimar a aquelas persoas que desexen criar fillos no noso concello, xa que unha carencia tan importante, obrígaos a establecerse nos concellos onde os nenos poden recibir atención sanitaria especializada sen saír do límite municipal”, engaden.
Cómpre salientar que nun Valadouro unificado todo isto sería moito máis doado, a poboación total sería contemplada en conxunto para esixencias deste tipo. Por iso, dende a Asemblea Local seguimos a traballar cara á unificación dos nosos concellos, creando conciencia entre a veciñanza e sometendo a cuestión a debate en todos os foros.
Así pois, agardan que a demanda se formule ante a Consellaría de Sanidade de xeito común polos responsables municipais dos Concellos de Alfoz e O Valadouro.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
