Burela, 4 de marzo de 2014. O presidente da Autoridade Portuaria Ferrol-San Cibrao, José Villarino, desprazou este martes pola tarde a Burela xunto a técnicos deste departamento para ver desde terra os danos causados polo mar no faro de Burela. Este luns a súa sinal luminosa foi engullida polas grandes ondas e a súa estrutura quedou inclinada. Villarino estivo acompañado polo alcalde burelés, José Mª González Barcia.
O rexedor dixo que “o presidente da Autoridade Portuaria Ferrol-San Cibrao, José Villarino, e técnicos deste departamento estiveron aquí en Burela para facer unha primeira valoración da situación que presenta o faro”. Tamén estiveron na praia Curricán o capitán marítimo de Burela, José Luis Iglesias, o patrón maior da confraría de pescadores burelesa, Basilio Otero, e Pablo Fernández Asensio, coordinador da Consellería de Mar en Celeiro.
González Barcia lembrou que “onte xa se puxo en marcha a primeira medida, que é que a través da canle 16 o Centro de Coordinación do Tráfico Marítimo de Fisterra está a emitir permanentemente que a baliza de Pena Burela está fora de servizo e nos vindeiros días, cando o mar o permita, técnicos da Autoridade Portuaria irán ver o faro, achegaranse ata alí, para coñecer a situación na que se atopa a estrutura que quedou en pé”.
O alcalde de Burela explicou que “se están a barrallar dúas posibilidades para recuperar a sinal luminosa: instalar unha boia ou instalar unha luminaria provisional no que quedou de faro, pero iso dependerá do danada que estea a estrutura que está en pé. Estas son as primeiras medidas a adoptar, tan pronto a climatoloxía e o estado do mar o permita. Hoxe é imposible achegarse á rocha na que está o faro porque habería risco para as persoas. E logo xa a posteriori iranse vendo posibles solucións, pero con carácter definitivo para o faro”.
Para José Mª González Barcia “o interesante é pechar a solución provisional a adoptar, que dependerá da inspección que se realice na rocha na que estaba o faro. A boia que se podería instalar non iría a carón da estrutura actual, senón que iría máis cara ao exterior, é dicir mar adentro. E por outra banda, si a estrutura aguantase colocaríase na parte superior unha sinal luminosa provisional para garantir a seguridade do tráfico marítimo de entrada e saída o porto de Burela”.
O rexedor engadiu: “•hoxe púxenme en contacto coa ministra de Fomento, Ana Pastor, a través do portavoz do Grupo Popular no Senado, José Manuel Barreiro, para facela coñecedora da situación ocorrida onte e para se adopten as medidas que se estimen oportunas por parte dos técnicos da Autoridade Portuaria Ferrol-San Cibrao”.
O alcalde de Burela agarda que “se adopten as medidas coa maior celeridade posible. Mostra de que así se fará é a visita cursada hoxe mesmo á zona polos seus responsables. Confío plenamente na ministra de Fomento, que xa puxo o asunto en coñecemento de Puertos del Estado”.
González Barcia subliñou que “o espigón da Marosa quedou bastante danado e esa praia é a zona tamén máis afectada polo temporal rexistrado nas últimas horas no mar”.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
