Ribadeo, 5 de marzo de 2014.- A delegada territorial, Raquel Arias, destacou este mércores que cinco establecementos da Mariña veñen de lograr a certificación de Q de Calidade Turística, para o que contaron co apoio da Xunta de Galicia a través de Turismo de Galicia.
Arias subliñou que estes establecementos recibiron axudas do Executivo galego a través da liña de axudas posta en marcha polo departamento turístico para a modernización e mellora de instalacións en hoteis, restaurantes, albergues turísticos e empresas de servizos turísticos complementarios, así como para a certificación, seguimento e renovación da marca Q de Calidade Turística.
A delegada territorial visitou este mércores o Hotel O Cabazo, no municipio de Ribadeo, onde mantivo un encontro cos responsables deste establecemento, un dos negocios que ven de lograr a certificación que ofrece o Instituto para a Calidade Turística Española (ICTE).
Precisamente no concello ribadense atópanse tres dos establecementos que incorporan a Q de calidade, posto que tamén a empresa de Turismo activo Hola Ola de Mar e Casa Doñano veñen de lograr esta certificación. No conxunto da comarca, o Hotel Rural A Finca (Barreiros) e Finca Galea (Alfoz) son as dúas iniciativas empresariais que incorporan este recoñecemento.
Así mesmo, Arias indicou que na Mariña, outros 10 negocios e centros reciben achegas mediante a liña disposta pola Axencia Turismo de Galicia para a renovación e seguimento da certificación de Q de Calidade Turística. En concreto, nesta comarca reciben estas axudas: Finca O Bizarro (Trabada), Hotel Rústico Casa Franco (Alfoz), Hotel Vila do Val (O Valadouro), Anatur (Cervo) e Club Náutico (Ribadeo), Casa da Torre, Roq Sports e Hotel Ego (Viveiro) e Finca Goleta e Rincón de Anita (Foz).
A delegada territorial valorou “o esforzo e o compromiso do Executivo galego para a modernización e dinamización do sector turístico desta zona” e significou que con estas novas incorporacións, o número de establecementos e centros da comarca coa certificación de Q de calidade turística sitúase “en 22, o que representa preto da metade do total da provincia de Lugo”.
En xeral, Arias considerou tamén importante que esta convocatoria de axudas representa “un novo impulso” para o sector da hostalería e restauración da provincia de Lugo. De feito, neste territorio concéntranse boa parte das axudas distribuídas na comunidade, grazas a previsión de discriminación positiva de conformidade cos obxectivos do plan ImpulsaLugo, polo que o baremo contemplou maior puntuación para as iniciativas procedentes desta provincia.
O Plan Integral de Turismo de Galicia inclúe entre as súas liñas estratéxicas unha liña orientada ao fomento do talento e ao aproveitamento das novas tecnoloxías para acadar un sector competitivo e un destino intelixente. Nesa liña encádrase unha acción dirixida á mellora na xestión e na innovación do sector que implica a implantación de sistemas de xestión como aposta clara para aumentar o grao de competitividade do sector turístico. Por este motivo, proponse o apoio á implantación de distintos sistemas de xestión que avalen un sistema turístico de calidade.
Actuarán Carlos Ares, Celia Becks, Futuro Alcalde e Alcalá Norte, e o sábado será a quenda de La M.O.D.A., Ángel Stanich, Puño Dragón e Repion. López destacou o impacto económico do festival, cun retorno estimado dun millón de euros, mentres que Rouco subliñou a súa importancia turística e a achega municipal de 120.000 €.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
Fixoo no marco do Campionato Galego de Coctelería celebrado no Hostal dos Reis Católicos.
