A Mariña, 5 de abril de 2014. O parlamentario nacionalista por Lugo, Cosme Pombo, defende hoxe na Comisión de Sanidade do Parlamento Galego a posta en marcha do servizo de quimioterapia comprometido pola Consellaría de Sanidade no Hospital da Costa. A formación nacionalista afirma que os compromisos de dirixentes do Partido Popular son papel mollado mentres non se verifique a súa posta en funcionamento, que xa fora anunciado por altos cargos do SERGAS para o ano 2013. Dende o BNG aseguran que as promesas do parlamentario popular, José Manuel Balseiro, para o inicio de obras no Hospital da Costa son electoralistas e enganosas xa que estas actuacións, de levarse a cabo non garanten o servizo. O Hospital de Día Oncolóxico require actuacións de gran calado na farmacia hospitalaria, espazos e equipamentos para atención das persoas doentes e persoal específico coa creación de prazas que permitan unha atención continuada, mañá e tarde. Non sería admisíbel o cambio de funcións de persoal xa existente porque “non estamos para espir un santo para vestir outro”.
O Partido Popular terá que posicionarse hoxe na Comisión de Sanidade do Parlamento Galego sobre a Proposición Non de Lei do BNG na que se demandan “as xestións necesarias para a posta en funcionamento do servizo de quimioterapia no Hospital da Costa”. Para o BNG non resulta esperanzador que o propio PP presente unha emenda ante esta iniciativa coa que pretende substituír o mandato expreso do Parlamento á Xunta para poñer a funcionar o servizo por outro no que simplemente se pide “que o servizo se poña en marcha no lugar mais próximo ao domicilio das e dos mariñáns”.
A creación dun Hospital de Día Oncolóxico non pode estar sometido ao arbitrio da improvisación, advirten que si a intención do PP é amortizar prazas nun sitio para cubrir outras como sucede coa Hospitalización a domicilio(HADO), non estamos en disposición de consentilo. Neste sentido indican que coa creación do servizo de quimioterapia na comarca débese dar un servizo que evite na medida do posíbel desprazamentos traumáticos aos doentes, nesta liña será obrigada a dotación de equipamentos e espazos de atención, actuacións de gran calado na farmacia hospitalaria e dotación de prazas novas de persoal sanitario que en horario de mañá e tarde atendan o servizo, non sería aceptábel espir un santo para vestir outro como sucede co HADO.
O BNG non ten ningunha confianza nos compromisos do Partido Popular, non hai mais que lembrar as múltiples promesas feitas por dirixentes do SERGAS e do PP arredor da asistencia sanitaria na comarca: empezando polas falsas melloras prometidas para achegar a sanidade ao aprobar a xestión integrada provincial, melloras na asistencia primaria, ampliación do Hospital ou incremento da carteira de servizos hospitalarios en Burela que na realidade son papel mollado como comproban e denuncian diariamente tanto usuarios como profesionais sanitarios da Mariña.
A formación nacionalista pide ao Partido Popular, e especialmente ao parlamentario, José Manuel Balseiro, que deixe de mentir á cidadanía e si realmente apostan por atender as demandas de usuarios e profesionais sanitarios da comarca, cree unha área de xestión integrada propia para a comarca, anule as amortizacións de prazas médicas nos centros de saúde da comarca, dote economicamente a ampliación do Hospital da Costa e atenda as demandas dos profesionais sanitarios que a semana pasada se manifestaban, e esta reclaman solucións ás avultadas listas de agarda das resonancias magnéticas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
