Santiago, 4 de abril de 2014.- O deputado do Grupo Popular Aurelio Núñez Centeno avogou este venres no Parlamento porque a Xunta de Galicia continúe coas melloras e reforzos da calidade asistencial que se están a impulsar na sanidade pública da Mariña lucense. Así mesmo, demandou axilizar os prazos e as medidas precisas para que os pacientes oncolóxicos da Mariña lucense poidan ser atendidos no Hospital da Costa en Burela.
Aurelio Núñez recordou que nos últimos meses leváronse a cabo importantes melloras nos servizos do Hospital da Costa, entre os que citou a redución dos indicadores de lista de espera, tanto cirúrxica como de primeiras consultas; melloras estruturais e dotacionais na área de endoscopias, actuacións na área de urxencias, coa separación das entradas do PAC e do servizo de urxencia hospitalaria; posta en marcha da triaxe de Manchester, para a selección e clasificación de doentes en urxencias; ou a creación e consolidación da nova unidade de hospitalización a domicilio.
Así mesmo, o deputado popular subliñou o esforzo na dotación de novos profesionais, tanto de persoal enfermería na Unidade de Atención a Domicilio como na Área de Urxencias; en endoscopias; un técnico de laboratorio e un especialista en oftalmoloxía.
Na súa intervención, Núñez Centeno recordou a “firme vontade amosada no Parlamento polo propio director xeral de Asistencia Sanitaria de poñer a disposición dos pacientes da Mariña a dotación e recursos necesarios para a aplicación de tratamentos quimioterápicos en Burela”, pero sinalou a importancia de superar “os condicionantes técnicos que ten a apertura dun hospital de día oncolóxico, tanto a nivel de espazos, como de dotacións, profesionais, farmacoterapeúticos e organización que dea soporte ao proceso de descentralización”.
O deputado popular concretou que no caso do Hospital da Costa “é preciso a habilitación das dependencias necesarias para o novo hospital de día, que ocupará parte dos locais que hoxe están ocupados polos arquivos de historias clínicas”. “Hai que ser moi coidadosos para poñer en marcha unidades co grao de criticidade que teñen o hospital de día oncolóxico: pois atenderán a enfermos cun grao de complexidade importante e todas as instalacións deben axeitarse ás necesidades destes doentes”, apuntou.
O BNG BLOQUEA O ACORDO
Os populares lamentan que o BNG non aceptase a súa emenda, na que se comprometían a acelerar a posta en servizo desta nova unidade oncolóxica, bloqueando a posibilidade dun acordo unánime. Neste sentido, sinalan o absurdo da pretensión dos nacionalistas de propoñer hoxe un texto coincidente co que xa foi aprobado no Parlamento de Galicia, a iniciativa do Grupo Popular, a finais do ano pasado e que o SERGAS está cumprindo.
De feito, os populares valoraron positivamente os pasos que se están a dar, así como os compromisos ratificados tanto polo director xeral de Asistencia Sanitaria do Sergas, en sede Parlamentaria, como polo xerente do Hospital que, no día de onte, confirmaba a firme vontade do Goberno galego coa posta en marcha deste servizo en Burela, así como o inicio das obras no prazo dun mes, compromiso que fixo público onte o Partido Popular.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
