Cervo, 4 de abril de 2014- Os accesos ao polígono industrial de Cuíña son “imprescindibles para o crecemento económico do municipio, para o desenvolvemento empresarial do polígono e para a creación de emprego”. Así defendeu hoxe o alcalde de Cervo, Alfonso Villares, a necesidade de que a Deputación execute as obras de construción dos accesos ao polígono.
O rexedor achegouse este xoves ata a rotonda de Espiñerido xunto á edil Begoña Alonso. Unha glorieta que fora proxectada polo anterior goberno da Deputación e polo Ministerio de Fomento como o punto de enlace da estrada N-642 co polígono. Da mesma maneira, a Deputación do PP tamén executara as expropiacións de boa parte dos terreos, explanara uns 330 metros de estrada e construíra unha ponte sobre a vía do tren. Polo tanto, falta que o Goberno Provincial finalice os treitos pendentes.
Villares lembra que a Deputación ten “paralizado este proxecto dende hai sete anos” mentres o Concello segue enviando escritos pedíndolle que acometa estas obras de competencia provincial. En total, a administración local enviou á Deputación máis dunha ducia de solicitudes, a última, con data de 1 de abril de 2014.
O mandatario cervense lembra ademais as respostas dadas polo ente provincial ao Concello ante estas solicitudes. Un dos exemplos é o texto recibido en setembro de 2013 no que a Deputación asegura, literalmente, que “as restriccións presupostarias ás que nos vemos acometidos fan que, dun xeito inmediato, non sexa posible continuar coa obra”.
Neste sentido, o primeiro edil lamenta que o Goberno Provincial “non considere prioritaria a creación de emprego nin o desenvolvemento económico e empresarial do municipio”. Cabe lembrar que, na actualidade, a entrada ao parque empresarial realízase a través do núcleo de San Ciprián, polo que os camións de grande tonelaxe vense obrigados a transitar por vías urbanas.
Bonificacións para as empresas
O Concello aprobou no ano 2011 unha serie de medidas para incentivar o asentamento empresarial no polígono de Cuíña. Por unha banda, incluíu bonificacións de ata o 95% no pagamento do Imposto sobre Construcións, Instalacións e Obras (ICIO). Da mesma maneira, o Concello tamén modificou a taxa de licenza de apertura con bonificacións de entre o 50 e o 75%.
Desta maneira, “o Concello traballou dende o seu ámbito de competencia para atraer a empresas, abaratando o seu asentamento e apoiando a súa actividade”. Pero “para que as nosas medidas sexan efectivas fai falta que a Deputación cumpra coa súa parte”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
