O Burela FS Pescados Rubén recibe este sábado o Móstoles FSF na 24ª xornada de Primeira RFEF. Tras o pase á final da Copa Galicia ante o Cidade das Burgas (2-4), as laranxas volven á liga máis reforzadas. “Temos moito que dicir. Aínda queda moita liga. A vitoria en Ourense serviunos para soltarnos un pouco despois de Navalcarnero, un bo punto de recuperación anímica para seguir con forza na liga” explicou o técnico, Quico Otero.
O cadro feminino abrirá una tarde repleta de fútbol sala de elite en Vista Alegre, ás 16.00 horas. O Maratón Laranxa continuará co encontro de Primeira LNFS entre o Burela FS e o Jaén Paraíso Interior (18.30 horas); a entrada para ambas as citas (16.00 e 18.30 horas) será gratuita para soci@s; o prezo para non soci@s será de 12 euros/adulto, 5 euros/14-17 anos e 3 euros/0-13 anos.
Dende a segunda praza (58 puntos), o Burela FS mídese ao actual duodécimo clasificado (21 puntos) co compromiso de aproveitar calquera oportunidad para sorprender de novo o líder, Navalcarnero (60 puntos). “Levamos semanas coa obriga de puntuar de tres en tres. Non dependemos de nós, pero seguimos coa mesma obriga para manter as nosas opcións” adiantou Quico.
“Medímonos a un equipo necesitado de puntos, historicamente forte, que xoga agresivo e con intensidade” analizaba o burelista. “Temos que ser capaces de aguantar as súas saídas, especialmente de María Otero, Eva Manguán e Patri; é un rival con conta con grandes pasadoras que poden dar sorpresas en calquera momento. De Patri parte gran parte da elaboración do equipo” puntualizaba Quico Otero, que disporá de todos os efectivos para cita excepto Paula, aínda que con Lidia e Peque minguadas por senllas molestias. Nas filas mostoleñas a única ausencia será a de Pauli.
Na primeira volta, o resultado foi para as laranxas (1-7).
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
