Barreiros, 14 de agosto de 2014. O BNG de Barreiros defenderá no pleno convocado para as seis desta tarde unha moción na que piden que as veciñas e veciños de Barreiros poidan ver reducido o seu recibo da auga en función do uso que se poida facer deste servizo.
Segundo a portavoz municipal, Ana Ermida, “o servizo de abastecemento de auga en Barreiros ten continuos problemas que impiden que se poida ter auga nas casas e negocios con normalidade. A falta de presión, a saída da auga turbia ou os cortes no subministro son algo habitual neste concello e, tendo en conta o prezo que as e os barreirenses pagamos no recibo da auga, non é lóxico que se faga fronte ao mesmo sen ter garantido o servizo.”
Por esta razón, e tendo en conta que neste verán xa se teñen producido numerosas deficiencias, desde o BNG pedirán que se calcule o prezo da auga do tempo que non se pode utilizar e que se vexa reducido o recibo nesa cantidade. “Parécenos de lóxica e de xustiza. Se un concello non está prestando un servizo, non é normal que cobre por el como se o estivese prestando con normalidade.” Así, desde o Bloque Nacionalista Galego piden “que se establezan criterios claros, modificando os textos legais que sexan precisos, para establecer un proceso de reclamación do diñeiro indebidamente pagado e, tendo en conta que este verán xa houbo problemas, que os recibos destes meses xa se vexan reducidos na cantidade que corresponda.”
Barreiros, libre de circos con animais
O grupo municipal nacionalista tamén defenderá unha moción na que se pide que o concello de Barreiros sexa declarado “concello libre de circos con animais”. Aseguran desde o BNG que “o trato que reciben os animais neste tipo de espectáculos dista moito do trato que se lle debe dar aos animais” e consideran que “ningunha institución pública debe amparar ou fomentar este tipo de espectáculos”, explica Ana Ermida. Neste sentido, solicitan que non se permita a instalación de circos ou publicidade dos mesmos no termo municipal.
Preguntas sobre o servizo de salvamento e socorrismo
O BNG tamén levará ao pleno unha batería de preguntas sobre o procedemento de contratación do persoal de salvamento e socorrismo, os criterios seguidos e a cobertura dos postos cubertos coa selección. Igualmente, preguntarán sobre as condicións dos postos de traballo, horario e contratos do servizo.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
