Burela, 12 de setembro de 2014. O Concello traballa nun proxecto de vivenda de emerxencia para mulleres vítimas da violencia de xénero. Será o primeiro centro da Mariña lucense destas características. O alcalde, José Mª González Barcia, a concelleira de Servizos Sociais, Muller e Igualdade, Diana Durán, e Mary Fraga, presidenta da asociación Mulleres en Igualdade de Burela, mantiveron este venres un encontro en Compostela coa secretaria xeral da Igualdade, Susana López Abella, para presentarlle dito proxecto.
Á saída da xuntanza o rexedor declarou que “lle presentamos este proxecto á Secretaría Xeral de Igualdade e temos moito interese en que saia para adiante, de aí a xuntanza deste venres en Santiago”. González Barcia lembrou que “a vivenda que se destinaría a ese fin está arranxada, pero precisa de mobiliario. Trátase dunha das dúas vivendas dos mestres do CEIP Virxe do Carme, que foron amañadas e que, como se sabe, unha irá destinada a locais de asociacións e a outra para casos de emerxencia social”.
Para o alcalde burelés “é moi importante que esa vivenda teña coma destinatarias ás mulleres vítimas da violencia de xénero” e engadiu que “seguiremos a manter contactos coa secretaria xeral da Igualdade para concretar a viabilidade do proxecto. Agradecémoslle a Susana López Abella a receptividade que tivo co proxecto que hoxe lles presentamos”.
Desde a Secretaría Xeral de Igualdade sinalan que este proxecto nace da necesidade de atender ás mulleres vítimas da violencia de xénero, xa que na Mariña lucense non existe ningún recurso deste tipo. E lembran que desgraciadamente este ano producíronse dous asasinatos de mulleres en Foz e en Cervo.
A Xunta conta cunha rede de casas de acollida para mulleres maltratadas cunha conexión entre elas, de tal xeito que as mulleres galegas que o precisen, por atoparse na referida situación de indefensión teñen un lugar de referencia ao que acudir.
Os centros de acollida que existen en Galicia están en A Coruña, Ferrol, Culleredo, Ourense e Lugo. Son todos de titularidade municipal e contan coa financiación da Xunta a través de convenios anuais de colaboración. O ano pasado acolleron a 185 persoas: 102 mulleres e 83 menores. En Vigo tamén existe un centro de emerxencia para mulleres vítimas da violencia de xénero, o CEMVI, que o ano pasado acolleu a 91 persoas: 54 mulleres e 37 menores. Galicia conta tamén con dúas vivendas de seguridade para mulleres vítimas de trata e de explotación sexual e co centro de recuperación integral para mulleres vítimas da violencia de xénero, que abriu as súas portas o pasado mes de xuño.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
