Os catro concelleiros que pasaron a formar parte como independentes -Ramón Sixto Legaspi, Enrique Cotarelo García, Ana Villarino Alonso e Manuel Casabella Otero- e que seguen a ser representados polo seu voceiro Ramón Sixto no Concello de Foz, queren denunciar a falta de compromiso adquirido do Equipo de Goberno do Partido Popular ante o Pleno Municipal.
Refírense en concreto a unha pregunta formulada por este grupo no pleno do mes de Xuño onde se lle preguntaba ao alcalde cando tiñan pensado limpar os colectores do lixo “contestándonos que se estaban a limpar os do casco urbano e a continuación seguirían cos do medio rural”.
“A día de hoxe e pasado o verán estes seguen igual, pero co agravante de que o cheiro xa se fai en algúns casos insoportable e insalubre, e para colmo de males o camión que recolle o lixo atópase nun estado lamentable con continuos vertidos en plena estrada”.
“Nese mesmo pleno tamén nos interesamos se existía algún plan de rebacheo para o medio rural dado o deterioro que están sufrindo as estradas neste entorno, onde se nos afirmou que xa estaba posto en marcha. Pero a realidade é ben distinta, xa que podemos ver claramente que existen estradas totalmente intransitables e non nos queremos imaxinar como estarán coa chegada do inverno”.
“Esta situación que estamos a padecer tódolos veciños do concello de Foz ven dada por unha deixadez e falta de sensibilidade deste desgoberno do Partido Popular, que a todo di que sí e logo a realidade é outra ben distinta”, critican os concelleiros, agora independentes.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
