Anticipándose ao prazo marcado no seu momento –antes de finais de ano– o novo hospital de día oncolóxico entrará en funcionamento no Hospital da Costa, en Burela. Os populares da Mariña lucense adquirimos un compromiso cos veciños desta comarca e, moi en particular, cos enfermos de cancro e os seus familiares, e hoxe podemos asegurar que estamos en disposición de cumprilo.
Cando o ano pasado, impulsei e defendín a iniciativa no Parlamento de Galicia na que se establecía o mandato á Xunta para poñer en marcha a nova unidade de oncoloxía no Hospital da Costa, respaldada daquela tan só cos votos favorables do PP e do BNG, atopámonos coa desconfianza de socialistas e do Grupo AGE, que non a apoiaron. Non é a primeira vez que desde a oposición boicotean ou poñen en dúbida as melloras sanitarias que a Xunta impulsa no noso hospital, pero isto fainos traballar aínda con máis intensidade.
O compromiso do Partido Popular adquiriu forma nese acordo parlamentario, pero tamén cando esta mesma petición foi trasladada polos grupos municipais populares aos plenos dos concellos da nosa comarca. Buscábamos amosar, que esta non era unha demanda partidista, senón unha demanda social: a necesidade de corrixir unha situación que merecía mudarse.
Máis dun cento de veciños desta comarca, 250 segundo as novas estimacións, vénse na obriga de desprazarse ata as cidades de Lugo ou da Coruña para recibir os seus tratamentos de quimioterapia, moitos deles agora poderán recibir esta medicación para o combate do cancro en Burela, no noso hospital, coas mesmas garantías sanitarias, co total coidado dos profesionais médicos e de enfermería, coa mesma calidade e moito maior confort, ao evitarse longas viaxes.
A unidade de oncoloxía do Hospital da Costa entrará en servizo, dun xeito progresivo, nos vindeiros días. Desde aquí quero agradecer o impulso e compromiso de todos os que o fixeron posible. Ao xerente do Hospital, Francisco Soriano, á conselleira de Sanidade, Rocío Mosquera, e ao propio Presidente da Xunta, Alberto Núñez Feijóo, que veñen dando mostras da súa sensibilidade con estes enfermos, pero tamén coa mellora xeral do Hospital da Costa, que ante si ten retos tan ambiciosos como a súa ampliación que, unha vez máis, fronte a desconfianza, volveremos a facer realidade.
José Manuel Balseiro Orol
Secretario do Parlamento de Galicia
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
