Ribadeo, 11 de febreiro de 2015. A comisión organizadora do Entroido de Ribadeo estrea este xoves, 12 de febreiro, un concurso nas redes sociais para elixir aos mellores disfraces que percorrerán as rúas e establecementos ribadenses ata o 18 de febreiro. Con esta iniciativa a nova comisión pretende converter o Entroido ribadense nunha actividade moito máis dinámica e interactiva, na que as redes sociais teñan unha forte presenza. Os ribadenses poderán subir as súas fotos disfrazados a través da nova APP que se acaba de crear no Facebook oficial Entroido Ribadeo: https://www.facebook.com/entroidoribadeo. As instantáneas participantes concursarán en catro categorías (mellor disfrace individual, mellor disfrace en parella, mellor disfrace en grupo e mellor local/profesional/camareir@ caracterizad@) e someteranse aos votos dos visitantes virtuais. Os premios aos máis votados entregaranse o sábado, 21 de febreiro, antes da Queima do Entroido, diante da Casa do Concello ribadense.
Ademais, dende primeira hora do vindeiro luns, a comisión lanzará outra nova APP en Facebook para participar na elección dos gañadores do concurso @s m@is larpeir@s. As votacións estarán só abertas ata o mércores 18 e no concurso poderán participar todas aquelas persoas que, soas ou en compañía, aparezan nas súas fotografías comendo un cocido e celebrando o Entroido nun dos establecementos hostaleiros ribadenses adheridos a esta iniciativa. Os gañadores levarán unha cesta de produtos de Entroido doada polo supermercado Gadis, ademais de 75 euros en metálico aportados por Grupo Pasillo. Os que se animen a degustar este cocido ribadense, poderán facelo o luns 16, nun total de 21 establecementos hostaleiros entre os que están: Costa Verde, La Botellería, A Villa, O Cabazo, O Voar,La Quinta Asador, O Lar de Manolo, Molino (só cea), Parador de Ribadeo, O Lar de Carmiña, Pizzbur&Cía, Portón Ribanova – Bar Ancla, A Dorada do Cantábrico,Casa Domingo, Casa Foguete, Casa Pepe – O Piano, El Huerto, Oviedo Bar 2 Rolle, San Miguel (só comida), Tmos e El Galicia.
Dende a comisión organizadora, presidida por David Martínez, agradecen a implicación dos veciños e dos restaurantes participantes e destacan a alta participación obtida por estes establecementos hostaleiros para facer posible o concurso @s m@is larpeir@s. Ademais, recordan que haberá catro grandes categorías premiadas. A primeira será a de mellor disfrace individual, que levará un vale de compra por valor de 50 euros na tenda ribadense Hola Ola!. A segunda outorgará un bono gastronómico/menú degustación para dúas persoas no Hotel Restaurante O Voar para o mellor disfrace en parella, agasallo doado por Café Bar O Cantón e Hotel Restaurante O Voar. A terceira premiará ao mellor disfrace en grupo e obsequiará aos gañadores cunha cesta de produtos de Entroido doada pola Praza de Abastos de Ribadeo. E xa na cuarta e última categoría haberá agasallos para o mellor local ribadense caracterizado, que obterá unha placa conmemorativa, e para o mellor profesional ou camareir@ caracterizad@, que levará unha medalla conmemorativa de recoñecemento.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
