Lugo, 18 de febreiro de 2015.- A Consellería de Cultura, Educación e Ordenación Universitaria premiará a 15 rapaces e rapazas que resultaron gañadores da fase provincial do certame de poesía Nadal 2014, convocado pola Biblioteca Nodal en colaboración con outras 22 bibliotecas públicas da provincia.
A entrega de premios celebrarase o vindeiro venres, día 20, ás seis da tarde no salón de actos da Biblioteca Nodal, e nese mesmo acto procederase á presentación do libro que recolle os traballos gañadores do pasado ano.
O certame, que cumpre xa a súa 22 edición, premiou este ano a 152 escolares na fase local, na que cada biblioteca recoñece os mellores traballos presentados e remíteos para competir na fase final que se dirime na biblioteca provincial de Lugo.
O xurado da fase provincial acordou outorgar os seguintes premios nas distintas categorías a concurso:
Categoría A (Ata 8 anos):
Xavi Román Iriarte Álvarez, 8 anos. Biblioteca de Ribadeo
Patricia Ferreira Feás. 6 anos. Biblioteca de Antas de Ulla
Sergio Romero González. 8 anos. Biblioteca de Burela
Accésits:
Álvaro Buitrón Amaro, 8 anos. Biblioteca de Monforte de Lemos
Lidia Bermúdez Rodil. 8 anos. Biblioteca de A Fonsagrada
Categoría B (9 a 11 anos):
Carís Hernández Eiros.10 anos. Biblioteca de Ribadeo
Lucía Díaz Darriba. 10 anos. Biblioteca de Vilalba
Laura Quiroga Ribas. 10 anos. Biblioteca de Burela
Accésits:
Nuria Devesa Núñez. 10 anos. Biblioteca Provincial de Lugo
Paula Pasarín Fernández. 9 anos. Biblioteca da Fonsagrada
Categoría C (12 a 16 anos):
Silvia López Lorenzo. 14 anos. Biblioteca de Villalba
Saray Veiga Varela. 15 anos. Biblioteca da Pobra do Brollón
Alba García Garcia, 12 anos. Biblioteca de Alfoz
Accésits:
Irene Rico Gómez. 15 anos. Biblioteca de Burela
Ana Vázquez Rodríguez. 16 anos. Biblioteca de Antas de Ulla
Os premios están dotados con estatuíña de Sargadelos, lote de publicacións e diploma. Os accesits, que se conceden pola calidade e cantidade dos traballos presentados, con lotes de publicacións e diploma.
O xurado da fase provincial estivo formado por Marisol González Regal, directora da Biblioteca Provincial; Jaime Santoalla Varela, inspector xefe de Educación; Yolanda Gómez González, xefa do Servizo de Coordinación da Área Cultural da Delegación Territorial de Lugo, e Xulio Giz Ramil, xornalista, que actúa como secretario.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
