Burela, 25 de febreiro de 2015. O alcalde, José Mª González Barcia, subliña que as obras de acceso ao porto de Burela se retomarán definitivamente logo de que Adif enviase ao Concello por escrito o seu visto bo ás actuacións que se levarán a cabo na liña de ferrocarril (a autoliquidación de taxas, previa ao envío das prescricións técnicas).
O rexedor dixo que “nos próximos días será retomada, de forma xa definitiva, a obra de construción do acceso ao porto de Burela, logo de que Adif Red de Ancho Métrico, que é o departamento do administrador de infraestruturas ferroviarias competente en materia de ferrocarrís de vía estreita, dera xa definitivamente por escrito o seu visto bo ás actuacións que se van levar a cabo con respecto á liña de ferrocarril”. González Barcia lembrou: “como se sabe, nos últimos meses o departamento de Ancho Métrico de Adif estivo en contacto coa empresa construtora, Copasa, e coa asistencia técnica para perfilar de forma definitiva as actuacións a levar a cabo tanto no movemento da vía do tren como para garantir a seguridade do transporte público durante a obra e despois da mesma”.
Para o alcalde burelés “isto é unha moi boa noticia, porque ven confirmar o que dixemos dende o primeiro momento: que a obra do acceso ao porto, tan demandada durante anos polo noso Concello, polos nosos veciños e veciñas, fundamentalmente polos usuarios do porto, vai seguir adiante, tal e como estaba previsto”. E engadiu: “teño que recordar que nestes meses tampouco é que houbera unha paralización da obra, como algúns dixeron, porque se estaban facendo traballos noutros ámbitos que non tiñan nada que ver co que estamos falando agora sobre a vinculación de Adif. Aquelas persoas que dixeron que a obra nunca ía ser posible e que aínda non hai moito reiteraban isto creo que quedan evidentemente en interdito, porque nós en todo momento dixemos a verdade do que estaba ocorrendo con esta obra. Nós somos os primeiros interesados, como equipo de goberno municipal, en que a obra saia adiante”.
González Barcia explicou que “houbo que facer xestións dende o Concello con Adif Red de Ancho Métrico, tivemos conversas precisamente cos responsables de Adif ao máis alto nivel para que este asunto se puidese solucionar. E hoxe sinceramente creo que é unha magnífica noticia que se teña recibido xa por escrito a autorización pertinente de Adif para que as obras se poidan levar a cabo cumprindo cos requisitos que Adif marca e que nós entendemos que así debe ser, porque hai que ter en conta que a configuración do terreo por onde se constrúe a obra do acceso ao porto é un tanto singular: é un terreo que non é precisamente estable, moi húmido, que presenta unhas características que fan que se extremen todas as condicións de seguridade habidas e por haber para garantir que o transporte público de viaxeiros por ferrocarril siga transcorrendo de forma normal e con total seguridade durante a obra, que se garante a seguridade na obra no que se refire á modificación do traxecto da vía do tren e que se garante a seguridade nun futuro, cando a obra estea rematada e entre en funcionamento o novo traxecto da liña de ferrocarril”.
O acto é aberto a quen queira participar neste recoñecemento. O grupo, con 80 anos de historia e formado por persoas de Figueras, Castropol, Vegadeo e Ribadeo, escolle este ano a Ribadeo para distinguir unha figura local, retomando a liña iniciada hai tres décadas con Luz Pozo Garza. As inscricións están abertas ata o luns 17 de agosto no número 680 13 24 24. Agárdase unha ampla participación.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
