A Mariña, 25 de febreiro de 2015. Para o BNG da Mariña “causa estupor ver como desde a dirección provincial do Partido Popular se avala a candidatura de Issam Alnagm como candidato á alcadía de Muras despois de ver como os xulgados e mesmo o seu grupo de goberno o poñen en cuestión polas sucesivas irregularidades cometidas”. “A candidatura de Issam Alnagm polo PP non é para beneficiar á veciñanza de Muras, senón para beneficiarse el e a súa familia como sucedeu coa compra e obras realizadas na aldea etnográfica de Carelle”, afirmou o Vice-responsábel Comarcal do BNG na Mariña, Xoán Antón Estúa.
O BNG mariñao fai pública a acta do pleno celebrado o 22 de decembro de 2014 – acta do pleno de orzamentos para 2015 – que sae aprobada co único voto do alcalde e coa abstención de toda a corporación, incluídos tres votos do grupo de goberno do alcalde que se negan a votar a favor segundo se entende, por seren enganados nas cifras para financiamento dunha obra incluída nos referidos orzamentos.
Para o BNG o resultado desta votación constata a división existente no grupo de goberno do Partido Popular en Muras, onde tres concelleiros deixan so ao alcalde nunha votación por desconfianza na súa xestión dos asuntos públicos. A formación nacionalista ve lóxica esta decisión diante do modelo de goberno caciquil do alcalde que non comparte as decisións nin sequera co grupo que o apoia, e moito menos goberna para o pobo senón no seu propio beneficio persoal.
Os nacionalistas lembran que nos últimos anos este alcalde pasou mais tempo imputado que libre de sospeita, algo que á vista da súa nova concorrencia á alcaldía polo Partido Popular perece non ter relevancia para este partido que o avala novamente despois de chamar despectivamente “yeyes” aos seus dirixentes e de ser posto en cuestión polos xulgados e polos seus propios compañeiros no goberno municipal.
Sorprende, afirmou Estúa, que desde a dirección provincial do partido sitúen como retos deste alcalde que leva 20 anos no goberno, a recuperación do censo e a mellora da calidade de vida da súa poboación, fundamentalmente maior; cando desde a súa chegada ao goberno local Muras perdeu o 43% da súa poboación e a que queda residindo no concello, que conta co PIB mais alto de Galiza polos cuantiosos ingresos que percibe de instalacións eólicas, non se beneficia desta posición de privilexio senón que o fai o alcalde e a súa familia, rematou Estúa.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
