O Magna Navarra fixo valer o factor cancha e logrou vencer (4-1) ao Burela Pescados Rubén nun duelo intenso que se decidiu nos minutos finais. Ambos equipos saltaron ao templo de Anaitasuna con determinación aínda que nos primeiros compases os navarros levaron a iniciativa ante un conxunto galego que se foi asentando defensivamente co paso dos minutos. A solidez laranxa contrastaba coa súa pouca fluidez ofensiva aínda que Bellvert conseguiu adiantar aos mariñanos (0-1) no lanzamento dunha falta. A vantaxe do Burela Pescados Rubén foi neutralizada por Carlitos, finalmente protagonista do encontro cun hat-trick, e por Eseverri (2-1) ao transformar unha polémica falta.
Con este resultado chegouse ao descanso e na segunda parte a igualdade de forzas mantívose entre dúas contrincantes que gozaron de ocasións para mover un marcador que entrou na recta final coa fotografía anterior (2-1). Cun Burela Pescados Rubén envorcado na procura do empate chegou o 3-1 dos navarros, obra de Carlitos no minuto 37, e xa con xogo de cinco por parte visitante Carlitos completou o seu hat trick no último minuto para situar o definitivo 4-1.
Ficha técnica
Magna Navarra: Raúl, Eseverri, Roberto Martil, Jesulito, Dani Saldise -cinco incial- Marc Tolrá, Víctor Arévalo, Javi Saldise, Ibarra, Carlitos, Mario.
Burela FS Pescados Rubén: Álex, Bellvert, Behroz, Antoñito, Matamoros –cinco inicial- Iago Mïguez, Miguel, Carlitos, Chano, Helder.
Goles: 0-1, m.11, Bellvert; 1-1, m.15, Carlitos; 2-1, m.18, Eseverri; 3-1, m.37, Carlitos; 4-1, m.39, Carlitos.
Árbitros: González Ruano, Rabadán Sainz. Amosaron cartón amarelo a Behroz e Miguel no Burela e a Roberto Martil nos navarros.
Incidencias: Partido correspondente á 21ª xornada de Primera División LNFS, disputado en Anaitasuna.
*Fotografías de: Prensa Magna Navarra.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
