Ribadeo, 7 de agosto de 2015.- A embarcación Mare Masma, de Foz, foi a gañadora da primeira regata da 25ª Semana Náutica Ría de Ribadeo, que se celebrou na tarde deste xoves. Foi a cuarta edición do trofeo ACISA-CCA de Ribadeo de cruceiro local, proba na que houbo dez participantes.
O presidente do Real Club Náutico de Ribadeo, Ramón Acuña, amosouse satisfeito da participación na regata e explicou que “foi moi laboriosa porque ao principio o vento estaba consolidado, pero despois as condicións cambiaron, porque o vento baixou e a marea estaba subindo, o que obrigou aos patróns a ter un coidado extremo e a facer un traballo importante”.
O programa da 25ª Semana Náutica Ría de Ribadeo continúa ás cinco da tarde deste venres co XVI trofeo Abanca de vela latina tradicional. Mañá, sábado, día 8, os actos empezarán ás 10 da mañá co campionato infantil de pesca V trofeo Real Club Náutico de Ribadeo. Ás 11 terá lugar o trofeo Seat-Talleres Armando das escolas de verán de vela lixeira e ás 17 horas celebrarase o XVII trofeo Paradores de vela tradicional. O domingo, día 9, haberá dúas probas, ambas as dúas na súa XVII edición: o trofeo escola municipal de vela lixeira e o trofeo Deputación de Lugo de vela tradicional.
As actividades da Semana Náutica Ribadeo de Ribadeo continuarán con máis regatas, unha zalea ao muíño das Aceas e outras actividades ata o día 15, cando rematarán coa entrega de trofeos.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
