Equipo de goberno do Concello de Lourenzá. A Sra. Álvarez Chao, voceira do grupo popular do Concello de Lourenzá, aínda non se decatou, case un ano despois, de que perdeu as eleccións municipais. E perdeunas despois de ser alcaldesa con maioría absoluta, co rexeitamento de case a metade dos votantes tradicionais do Partido Popular de Lourenzá. Botou por terra en tres anos o traballo feito polos seus antecesores. Non lle dará que pensar á Sra. Álvarez? Un político con dignidade xa tería dimitido ao minuto seguinte de coñecerse o resultado electoral.
Acusa a Sra. Álvarez á Alcaldesa de Lourenzá de ditadora. Debe baixar esta señora desa nube de superioridade na que vive permanentemente e falar cos veciños; verá como lle din que precisamente ese é o cualificativo que mellor a define a ela. A Sra. Álvarez foi ditadora cos veciños e veciñas, cos traballadores municipais e coa xente do seu equipo de goberno. Incluso xente de fóra que por algún motivo ten relación co Concello nos din que valoran positivamente o cambio de actitude e de formas que atopan agora na alcaldía.
A que traballa de cara á galería é a Sra. Álvarez. Todo o mundo coñece a súa afección a estar en todos os fregados e canto lle gustan as fotos e os medios de comunicación.
O grupo popular votou en contra dos orzamentos municipais, despois de que a Sra. Álvarez se abstivese na comisión de Facenda. Claro, na comisión non hai público, no pleno, si. Quen ten dúas caras?
Acusa a Sra. Álvarez de mentireira á actual Alcaldesa, Rocío López. É a Sra. Álvarez a que mente cando di quen non lle deixamos falar nos Plenos. É precisamente esta señora a que máis fala. Tanto é así que no último pleno o voceiro socialista incluso a felicitou polo mitin que nos soltou no debate dos orzamentos. Mesmo se lle dá varias quendas de réplica, cousa pouco habitual noutros concellos.
En canto ás preguntas, a Sra. Álvarez pode facer todas cantas queira e todas serán contestadas. Se as presenta por escrito coa antelación que marca a lei, serán contestadas no pleno. De non ser así, contestaranse no seguinte pleno ordinario. Igual que a oposición ten tempo para preparar as preguntas, a Alcaldesa debe dispoñer tamén dese tempo para poder responder da mellor maneira posible ás inquedanzas dos voceiros da oposición. A Sra. Álvarez xa anunciou que non ía presentalas por escrito, co que se demostra que a súa intención é poñer en apuros ao equipo de goberno en lugar de preocuparse realmente polos temas que interesan aos veciños e veciñas.
As actas non as redacta o equipo de goberno, faino a Secretaria do Concello. Quere dicir a voceira popular coas súas acusacións que as redacta agora de distinta maneira de cando ela gobernaba? Recórdaselle a esta señora en todos os plenos que cando queira que apareza algo nas actas de maneira literal non ten máis que facelo constar. E así o fai sempre a Secretaria.
En relación coa redución de gastos, sabe a voceira popular que onde realmente se aforrou foi na rebaixa do soldo da alcaldesa e na eliminación da dedicación do tenente alcalde. A Sra. Álvarez, agora que non goberna, está empeñada en baixar ou eliminar todas as taxas e impostos municipais. Por que non o fixo cando ela gobernaba? Non o fixo porque sabe dos poucos recursos cos que contamos e que é imposible renunciar ás poucas fontes de ingresos que ten o Concello, tendo en conta ademais como o deixaron hipotecado con débedas derivadas de preitos, concesións irregulares de licenzas, mala xestión, etc.
A Sra. Álvarez debe ter máis respecto polos veciños e veciñas que acoden aos plenos. A nós gustaríanos que asistiran máis, pero cando ela gobernaba non ía ninguén. Xa se encargaba esta señora de celebralos a unha hora que impedía que asistiran os veciños. Di a Sra. Álvarez que os que asisten son socialistas. Por que non van os compañeiros de candidatura da Sra. Álvarez ou os que formaron parte dos equipos de goberno anteriores do Partido Popular? Será porque xa non confían nela? Será porque xa non ten o apoio dos seus propios compañeiros de partido?
Sra. Álvarez, agora en Lourenzá goberna o Partido Socialista. A Alcaldesa é Rocío López. Déixenos vostede traballar. Faga achegas positivas e de interese para os veciños. Reme vostede a favor e deixe de poñer pedras no camiño. Medite. Abandone toda esa rabia e rancor que leva dentro. Sra. Álvarez, fágase boa!
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
