FAPACEL condena a presión da administración para a realización das probas de reválida de 6º curso e tilda de inaceptable a situación que sufriu un neno en Becerreá por deixar o exame en branco por indicación da súa familia e que foi “castigado” a pasar horas sen facer nada e ameazado coa expulsión do centro por indicación do inspector de zona.
A Administración educativa, por medio da inspección, está exercendo presión sobre as familias e os centros educativos para que se fagan as probas, sen ter en conta que a cidadanía ten capacidade crítica e é soberana para tomar as súas propias decisións, neste caso nun tema tan importante como é a educación, e contra unha lei que saiu adiante sen consenso político nin social.
A sociedade civil está a exercer o seu dereito de protestar ante unhas probas que considera innecesarias, porque a avaliación exércea o profesorado no seu traballo diario na aula. O diagnóstico hai tempo que está feito: temos demasiado fracaso e abandono escolar na secundaria, e iso non se resolve con exames nin clasificando ao alumnado e os centros, senón baixando o número de alumnado/aula para mellorar a atención educativa; con medidas de apoio, atendendo ás solicitudes de recursos humanos de profesorado especialista que se fan desde os servizos de orientación; con recursos materiais que facilitan os procesos de aprendizaxe…todo isto que a Administración educativa denega sistematicamente por basearse unicamente en criterios económicos e de eficiencia, pero que agora vai gastar millón e medio de euros en organizar estas probas (a Comunidade de Madrid xa adxudicou a unha empresa privada allea a educación a realización das probas LOMCE por 330.000€) para diagnosticar algo que xa está diagnosticado e que o que necesita é tratamento e solucións.
Desde FAPACEL, ANPAS GALEGAS e a PLATAFORMA GALEGA EN DEFENSA DO ENSINO PÚBLICO seguimos animando ás familias para que amosen o seu rexeitamento ás probas de 3º de primaria que terán lugar os días 24 e 25 deste mes,porque este non é o sistema educativo que queremos.
Os asistentes puideron escoitar nas últimas horas a Payton Pritchard, xogador dos Boston Celtics da NBA, que participou no campus a través dunha vídeo conferencia. O concelleiro de Deportes, Francisco José Silvent, comentou que “para nós é un orgullo que os rapaces que asisten a este campus teñan a posibilidade de escoitar a unha estrela da NBA. Non todos os días se contacta desde un campus dun concello como Ribadeo cun xogador deste calibre”. E engadiu: “sabemos que están gozando ao máximo desta experiencia”. O campus Sublime deu comezo o pasado domingo e rematará o 25 de xullo. Á cita asisten trinta rapaces.
As mostras, que se inaugurarán o vindeiro venres 25 de xullo ás 19:00 horas, permanecerán abertas ata o 18 de agosto, en horario de martes a sábado de 09:00 a 14:00 horas. “Lumen Tenebris”, de Eva Diamond, reúne por primeira vez unha ampla colección de obras dunha das referentes nacionais do lixeiro painting. “Aurum Obscurum”, de Patricia López Amorós, marca a primeira exposición individual desta artista naviega graduada en Belas Artes.
Da man do adegueiro de Meaño, o restaurante ofrecerá cinco viños seleccionados. A cata terá lugar o mércores 30 de xullo. As prazas son limitadas, teñen un custo de 28€ e é necesario reservar con antelación.
Poderá visitarse ata o vindeiro 29 de xullo con entrada libre no horario habitual. A mostra reúne retratos, paisaxes e esceas íntimas realizadas en acuarela, unha técnica que o autor leva décadas explorando cun estilo persoal, marcado pola sutileza, a emoción e a economía de medios. Médico e investigador en epidemioloxía ambiental, López-Abente desenvolveu a súa carreira no Instituto de Saúde Carlos III, en Madrid. A súa traxectoria artística, que foi medrando en paralelo á científica, ofrece unha ollada singular sobre o mundo que o rodea, entre a precisión e a intuición, entre a memoria e a beleza.
A alcaldesa, Dolores García Caramés, achegouse ata Lieiro para participar na limpeza e acondicionamento deste lugar emblemático, agradecendo o compromiso e implicación do tecido asociativo local, e destacando a importancia de traballar en conxunto para preservar o patrimonio común, xa que "accións coma esta permiten recuperar espazos singulares que forman parte da nosa identidade”.
O queixo Don Crisanto, elaborado baixo a Denominación de Orixe Protexida San Simón da Costa, foi distinguido como o mellor queixo madurado de vaca e recibiu tamén o premio especial ao mellor queixo de España entre as 135 mostras presentadas.
A tradicional procesión marítima é un dos momentos máis esperados e especiais destas festas. A cita foi amenizada polo Cuarteto Illa Pancha. Ducias de embarcacións acompañaron á Virxe do Carme, que se fixo á mar no barco do práctico, e surcaron as ondas da ría saíndo de Ribadeo e achegándose a Figueras e Castropol. Xa de volta, a Coral Polifónica de Ribadeo interpretou, entre outros temas, a Salve Mariñeira. Os actos contaron coa presenza do delegado territorial da Xunta en Lugo, do alcalde, de concelleiras e concelleiros da Corporación Municipal de Ribadeo, de representantes da confraría de pescadores, de Aduanas, do Galp A Mariña-Ortegal, de Acisa e da Policía Local, entre outros.
