Mondoñedo, 6 de xuño de 2016.- A concelleira de Facenda, Ángeles Rodríguez, pregúntalle ao PSOE o motivo polo cal durante oito anos de Goberno foron incapaces de facer fronte ao pagamento dunha factura a Cerámicas Sargadelos S.L. “Se recoñecen que existía un impago non entendemos por que en todos os anos que estiveron no Goberno non decidiron asumilo”, engade.
Primeiro van detrás das pancartas defendendo “de boquilla” a Sargadelos, pero recoñecen que existía un pagamento pendente que non se preocuparon en saldar. Os populares advírtenlle á socialista que poden recordarlle as facturas que deixaron sen pagar durante o seu Goberno e engaden que algunha mesmo ruborizaría á voceira do PSOE.
A edil popular sae así ao paso das declaracións feitas pola voceira municipal do PSOE á que lle recomenda que explique por que en todo este tempo non aboou esa contía se consideraba que estaba pendente de pagamento. “Éncheselles a boca falando do apoio a esta empresa e aos seus traballadores cando en realidade din que se lle debían 10.000 euros e agora critican ao PP cando o que vai facer é aquelo que os Servizos Xurídicos do Concello ditaminen”.
Ángeles Rodríguez critica a “irresponsabilidade e hipocrisía política e a forma de traballar da voceira do PSOE que desde o seu posto de asesora da Deputación de Lugo está máis pendente de facer puntos entre os socialistas que de traballar por Mondoñedo”.
“O que cómpre preguntar, se a señora Esperanza González di que existía unha factura sen pagar desde o 2006, é por que o seu Goberno non lle fixo fronte”, conclúe a concelleira.
Durante o encontro, aberto ao público, proxectouse o vídeo promocional da candidatura e compartiuse a documentación presentada, nun acto que reuniu a numerosos colectivos, entidades e veciños comprometidos co dinamismo social e cultural do concello.
Poderá visitarse ata o vindeiro 29 de xullo con entrada libre no horario habitual. A mostra reúne retratos, paisaxes e esceas íntimas realizadas en acuarela, unha técnica que o autor leva décadas explorando cun estilo persoal, marcado pola sutileza, a emoción e a economía de medios. Médico e investigador en epidemioloxía ambiental, López-Abente desenvolveu a súa carreira no Instituto de Saúde Carlos III, en Madrid. A súa traxectoria artística, que foi medrando en paralelo á científica, ofrece unha ollada singular sobre o mundo que o rodea, entre a precisión e a intuición, entre a memoria e a beleza.
A alcaldesa, Dolores García Caramés, achegouse ata Lieiro para participar na limpeza e acondicionamento deste lugar emblemático, agradecendo o compromiso e implicación do tecido asociativo local, e destacando a importancia de traballar en conxunto para preservar o patrimonio común, xa que "accións coma esta permiten recuperar espazos singulares que forman parte da nosa identidade”.
O queixo Don Crisanto, elaborado baixo a Denominación de Orixe Protexida San Simón da Costa, foi distinguido como o mellor queixo madurado de vaca e recibiu tamén o premio especial ao mellor queixo de España entre as 135 mostras presentadas.
O venres ás 20:30h pregón da Romaxe Viquinga a cargo do historiador e guía turístico oficial Suso Martínez, a continuación desfile polas rúas do Vicedo e cantos de taberna polos establecementos do Vicedo. Finalmente o sábado a 8ª Romaxe Viquinga na praia de San Román, coas actividades centrais habituais (desembarco, desfile, mercado, torneo a cabalo e enterramento) e con moita música tanto celta como tradicional galega con Pelepau, Perkusiona e o espectáculo Queiman Folki para rematar o evento.
A tradicional procesión marítima é un dos momentos máis esperados e especiais destas festas. A cita foi amenizada polo Cuarteto Illa Pancha. Ducias de embarcacións acompañaron á Virxe do Carme, que se fixo á mar no barco do práctico, e surcaron as ondas da ría saíndo de Ribadeo e achegándose a Figueras e Castropol. Xa de volta, a Coral Polifónica de Ribadeo interpretou, entre outros temas, a Salve Mariñeira. Os actos contaron coa presenza do delegado territorial da Xunta en Lugo, do alcalde, de concelleiras e concelleiros da Corporación Municipal de Ribadeo, de representantes da confraría de pescadores, de Aduanas, do Galp A Mariña-Ortegal, de Acisa e da Policía Local, entre outros.
O delegado territorial da Xunta en Lugo, Javier Arias, participou nos actos destacando o apoio do Goberno galego a este evento, declarado de Interese Turístico Galego, "que pon en valor o traballo das xentes do mar e a calidade dun produto recoñecido a nivel internacional". Tamén estivo presente a Deputada de Economía, Recadación, Facenda e Especial de Contas, Carmela López. A Deputación colaborou coa organización desta xornada cunha achega de 3.000 euros. Neste evento, que está declarado de Interese Turístico de Galicia, os asistentes puideron degustar a prezos populares o manxar elaborado de formas diferentes: en empanada, en caldeirada, á galega ou en salsa verde, entre outras.
