A vía estase mellorando no treito comprendido entre os quilómetros 2,3 e 10,2 e os traballos consisten na limpeza de cunetas, drenaxe, renovación do firme, nova sinalización vertical e horizontal e tamén na construción dun paseo peonil de 1,2 metros
Lugo, 20 de xullo de 2025. A Deputación de Lugo vén de iniciar as obras de rehabilitación da estrada provincial LU-P-3601, que conecta Acebo, á altura da LU-701, con Negueira de Muñiz. Esta actuación conta cun orzamento de máis de 300.000€, co obxectivo de mellorar un treito de máis de 8 quilómetros.
Concretamente os traballos estanse desenvolvendo no tramo comprendido entre os puntos quilométricos 2,384 e 10,250, no termo municipal de Negueira de Muñiz. As obras permitirán a rehabilitación integral do firme neste tramo da vía, mellorando así a súa funcionalidade e durabilidade estrutural. A actuación terá un prazo de execución estimado de tres meses.
Agora comezouse coa reapertura e limpeza de cunetas, faranse cunetas novas para facilitar a evacuación de augas pluviais e construirase un paseo peonil lateral de 1,20 metros de ancho, na marxe esquerda da calzada para incrementar a seguridade dos usuarios vulnerables da vía, como peóns ou ciclistas. Así mesmo, reforzarase e mellorarase o firme mediante aglomerado en quente e unha vez rematado, repoñerase a sinalización horizontal con marcas viarias reflexivas brancas e cunha nova sinalización vertical.
Unha obra estratéxica para a comarca
A LU-P-3601 é unha vía de comunicación fundamental para os concellos da Fonsagrada e Negueira de Muñiz, xa que conecta o núcleo de Acebo coa capitalidade municipal de Negueira, atravesando unha zona de montaña de grande valor ambiental e paisaxístico. Ademais, na contorna da estrada existen miradoiros, áreas recreativas e espazos naturais de interese, polo que a mellora desta infraestrutura ten tamén un impacto directo sobre a promoción do turismo rural e sostible no municipio.
Desde a Deputación destácase que “esta obra responde á necesidade de garantir a seguridade viaria nunha zona onde o trazado, as condicións meteorolóxicas e a orografía esixen un firme en bo estado e con drenaxe eficaz. Ademais, a incorporación dun paseo lateral é unha medida novidosa que permitirá dar resposta á mobilidade da veciñanza e dos visitantes que percorren a zona a pé”.
Con este investimento, a Deputación de Lugo reafirma o seu compromiso cunha rede viaria provincial segura e accesible, como parte fundamental da súa política de cohesión territorial, fixación de poboación no rural e igualdade de oportunidades entre todos os veciños e veciñas da provincia, independentemente do lugar no que vivan.
Esta intervención enmárcase na aposta decidida da Deputación de Lugo por mellorar a rede viaria provincial e contribuír ao desenvolvemento socioeconómico dos concellos. Trátase dunha liña de actuación prioritaria para a institución, comprometida coa conservación e mellora da rede viaria provincial, a máis extensa do Estado, con máis de 4.000 quilómetros de lonxitude.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
