Lugo, 30 de xullo de 2016.- Os socialistas lucenses celebraron este sábado o Comité Provincial, no que foi aprobada por aclamación popular ou unanimidade a candidatura do PSOE pola Provincia de Lugo ao Parlamento galego. Esta será agora sometida ao ditame dos Órganos Nacionais e, posteriormente, ratificada polos Órganos Federais do PSOE.
Representación de toda a provincia, igualitaria, renovación ao 90% e cunha media de idade de 40 anos son as principais características desta candidatura, que se presenta con forza e unidade para defender os intereses de todos os veciños da provincia de Lugo e acadar o cambio de ciclo en Galicia.
Esta candidatura é froito das propostas que formularon todas as agrupacións municipais lucenses, cos seus correspondentes militantes, nas asembleas que se celebraron dende o 21 ao 28 de xullo.
Está integrada por 14 socialistas, 7 homes e 7 mulleres, que se intercalan nos postos que ocupan en defensa da igualdade de xénero, acadando unha candidatura paritaria. Representan a todo o territorio lugués, pois son de Concellos de todas as Comarcas, dende Lugo, Lemos, A Mariña, Terra Chá, Chantada, Sarria, Ulloa ou a Montaña.
Os socialistas que a integran son os seguintes:
1.- Luis Manuel Álvarez Martínez (Lugo/Lugo)
2.- María Concepción Burgo López (Lugo/Lugo)
3.- José Antonio Quiroga Díaz (Lemos/O Saviñao)
4.- Patricia Otero Rodríguez (A Mariña/Burela)
5.- Rodrigo Pavón Rodríguez (Terra Chá/Vilalba)
6.- Raquel López Rodríguez (Chantada)
7.- Carlos López López (A Montaña/A Fonsagrada)
8.- Cristina Losas Soria (A Mariña/Ribadeo)
9.- Iván Castro Díaz (Sarria/Paradela)
10.- Marina Doutón Rajo (Lemos/Monforte)
11.- Pablo Núñez González (Lugo/Lugo)
12.- Marisol Morandeira Morandeira (Terra Chá/Guitiriz)
13.- Roi Rigueira Agromartín (Ulloa/Taboada)
14.- Carmen Álvarez Álvarez (A Montaña/ Folgoso do Courel)
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
