Burela, 11 de xullo de 2016. A Aula da Rede de Centros para a Modernización e Inclusión Tecnolóxica da Xunta de Galicia, Rede CeMIT, do Concello Burela segue a impartir cursos de informática para nenas e nenos no verán.
Esta segunda serie de cursos vai dirixida a nenas e nenos de 11 a 13 anos e contará cun total de tres cursos: “Mecanografía”, “Procesador de textos” e “Elaboración de presentacións”. Os tres iniciaranse o 20 de xullo, impartirase de luns a venres e contarán cunha duración de 11 horas. Finalizarán o 4 de agosto.
O horario do curso de “Mecanografía para nenas e nenos” será de 9:30 a 10:30 horas. Neste curso amosarase a correcta posición das mans á hora de escribir nun computador. Os asistentes recibirán diferentes leccións que consistirán na repetición dunha serie de letras para adquirir certa axilidade. Empregarase un programa libre para esta fin.
O curso de “Procesador de textos para nenas e nenos” impartirase de 10:30 a 11:30 horas. Con esta actividade amosarase a crear todo tipo de documentos de texto a través do programa libre “Writer” incluído no paquete ofimático “LibreOffice”. Os alumnos aprenderán a darlle formato ao texto, inserir imaxes nun texto, crear horarios e calendarios, etc…
E O último dos cursos, desta segunda serie de actividades, será o de “Elaboración de presentacións para nenas e nenos”. Neste curso amosarase a crear presentacións de diapositivas mesturando texto, imaxes, formas e sons. O programa que se empregará para esta fin será o “Impress” incluído no paquete ofimático “LibreOffice”. Esta actividade terá un horario de 11:30 a 12:30 horas.
Para inscribirse nestas actividades ou para informarse sobre a terceira serie de cursos para nenas e nenos que comezará a mediados de agosto, poden dirixirse á Aula CeMIT de Burela sita na Casa da Xuventude – Rúa do Cancelo S/N, a través da páxina web https://cemit.xunta.gal ou enviando un correo á dirección: cemit.burela@xunta.gal.
Os asistentes puideron escoitar nas últimas horas a Payton Pritchard, xogador dos Boston Celtics da NBA, que participou no campus a través dunha vídeo conferencia. O concelleiro de Deportes, Francisco José Silvent, comentou que “para nós é un orgullo que os rapaces que asisten a este campus teñan a posibilidade de escoitar a unha estrela da NBA. Non todos os días se contacta desde un campus dun concello como Ribadeo cun xogador deste calibre”. E engadiu: “sabemos que están gozando ao máximo desta experiencia”. O campus Sublime deu comezo o pasado domingo e rematará o 25 de xullo. Á cita asisten trinta rapaces.
As mostras, que se inaugurarán o vindeiro venres 25 de xullo ás 19:00 horas, permanecerán abertas ata o 18 de agosto, en horario de martes a sábado de 09:00 a 14:00 horas. “Lumen Tenebris”, de Eva Diamond, reúne por primeira vez unha ampla colección de obras dunha das referentes nacionais do lixeiro painting. “Aurum Obscurum”, de Patricia López Amorós, marca a primeira exposición individual desta artista naviega graduada en Belas Artes.
Da man do adegueiro de Meaño, o restaurante ofrecerá cinco viños seleccionados. A cata terá lugar o mércores 30 de xullo. As prazas son limitadas, teñen un custo de 28€ e é necesario reservar con antelación.
Poderá visitarse ata o vindeiro 29 de xullo con entrada libre no horario habitual. A mostra reúne retratos, paisaxes e esceas íntimas realizadas en acuarela, unha técnica que o autor leva décadas explorando cun estilo persoal, marcado pola sutileza, a emoción e a economía de medios. Médico e investigador en epidemioloxía ambiental, López-Abente desenvolveu a súa carreira no Instituto de Saúde Carlos III, en Madrid. A súa traxectoria artística, que foi medrando en paralelo á científica, ofrece unha ollada singular sobre o mundo que o rodea, entre a precisión e a intuición, entre a memoria e a beleza.
A alcaldesa, Dolores García Caramés, achegouse ata Lieiro para participar na limpeza e acondicionamento deste lugar emblemático, agradecendo o compromiso e implicación do tecido asociativo local, e destacando a importancia de traballar en conxunto para preservar o patrimonio común, xa que "accións coma esta permiten recuperar espazos singulares que forman parte da nosa identidade”.
O queixo Don Crisanto, elaborado baixo a Denominación de Orixe Protexida San Simón da Costa, foi distinguido como o mellor queixo madurado de vaca e recibiu tamén o premio especial ao mellor queixo de España entre as 135 mostras presentadas.
A tradicional procesión marítima é un dos momentos máis esperados e especiais destas festas. A cita foi amenizada polo Cuarteto Illa Pancha. Ducias de embarcacións acompañaron á Virxe do Carme, que se fixo á mar no barco do práctico, e surcaron as ondas da ría saíndo de Ribadeo e achegándose a Figueras e Castropol. Xa de volta, a Coral Polifónica de Ribadeo interpretou, entre outros temas, a Salve Mariñeira. Os actos contaron coa presenza do delegado territorial da Xunta en Lugo, do alcalde, de concelleiras e concelleiros da Corporación Municipal de Ribadeo, de representantes da confraría de pescadores, de Aduanas, do Galp A Mariña-Ortegal, de Acisa e da Policía Local, entre outros.
