O CD Burela FS Pescados Rubén non puido desartellar o dominio ofensivo do Atlético de Madrid este sábado no partido de ida da Supercopa de España 2016 (3-1). Cunha férrea defensa, o conxunto laranxa soubo frear as intencións locais durante os 17 primeiros minutos de xogo; con 2-0 en contra ao comezo da segunda parte, as galegas lograron reducir distancias con Dany, pero enseguida chegou o hattrick de Ariane e o electrónico non se moveu máis. Vista Alegre decidirá o título o vindeiro sábado, 3 de setembro, ás 20.00 horas.
A escuadra mariñá aferrouse á súa solidez defensiva ante a presión das locais, con Jozi brillando baixo os paus laranxas, a entrega incansable, sen límites, do tándem Bea-Dany e minutos de responsabilidade das novas caras. Xa no minuto 3, a meta laranxa sacou unha prodixiosa man ante Amelia. A burelense Silvia Rubal, no 5, tivo nas súas zapatillas a primeira grande ocasión das visitantes acabando na rede lateral. Jozi volveu estar sublime ante Ari (minuto 7) e Marta Pelegrín (minuto 9). Superado o ecuador da primeira parte, Sabela (minuto 12) intentou sorprender a Estela pola banda esquerda con dobre parada da madrileña; tamén xerou perigo Judith na meta rival, no 15, aínda que sen éxito. A porteira burelista nada puido facer ante o disparo afastado de Ariane, que perforou a rede pola escuadra a pouco máis de tres minutos para o descanso. Mantívose impertérrita a defensa galega ata o descanso; a súa ocasión máis clara para igualar a contenda protagonizouna Dany no 18 topándose con Estela.
Na volta á pista, o Atlético ampliou distancias xa no minuto 22, nunha rápida contra de Ariane. Con 2-0 en contra o conxunto de Lucas e Julio Delgado intentou reaccionar tirando de ofensiva. Tras a ida e vinda de Ju Delgado e Silvia no 28, Dany reduciu distancias no 30 en contragolpe; con todo, segundos despois o Navalcarnero volveu ampliar distancias con hattrick de Ariane. A 3 laranxa intentou volver sorprender a Estela, de novo en contraataque, no 34, pero non houbo fortuna finalizadora. Na recta final, Bea Mateos tivo tamén oportunidade de apertar o marcador en dobre penalti pero marchouse desviado.
Ficha técnica
Atlético de Madrid Navalcarnero: Estela, Ariane, Leti, Ju Delgado, Amelia, cinco inicial; tamén xogaron Marta Pelegrín, Desi, María Sanz,
CD Burela FS Pescados Rubén: Jozi, Dani, Lara, Bea, Judith, cinco inicial; tamén xogaron Silvia, Elvira, Sabela
Goles: 1-0, minuto 17, Ariane; 2-0, minuto 22, Ariane; 2-1, minuto 30, Dany; 3-1, minuto 31, Ariane
Árbitros: Gómez García e Jarque Ruiz, do colexio madrileño. No Navalcarnero, tarxeta amarela para Leti (minuto 22), María Sanz (minuto 35), Ju Delgado (minuto 39). No Pescados Rubén amarela a Lara (minuto 39)
Incidencias: Partido de ida de Supercopa de España 2016 disputado en La Estación.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
