Mondoñedo (Lugo), 7 de decembro de 2016.- A directora de Turismo de Galicia, Nava Castro, o xerente do Xacobeo, Rafael Sánchez, o delegado territorial da Xunta en Lugo, José Manuel Balseiro, e a alcaldesa de Mondoñedo, Elena Candia, visitaron este mércores o Centro de Interpretación do Camiño do Norte que goza de nova sede, o Centro Centro Cultural Alcántara de Mondoñedo.
Durante a visita, Nava Castro destacou que esta nova ubicación achega este importante equipamento e facilita o acceso a súa información aos seus principais destinatarios, os peregrinos, ao estar situado fisicamente no propio trazado do Camiño Norte, xunto ao albergue de peregrinos.
Neste senso, a responsable de Turismo da Xunta tamén salientou que nesta nova sede comparte, ademais, espazo cunha exposición permanente sobre mindonienses ilustres do concello de Mondoñedo o que evidencia unha vez máis a aposta de Turismo de Galicia pola colaboración interadministrativa, segundo explicou.
Nava Castro sinalou que esta intervención de traslado e adaptación do Centro ao novo espazo museístico supuxo un investimento de en torno os 40.000 euros e constitúe unha das accións incluídas no Plan Director e Estratéxico do Camiño de Santiago o cal dedica este ano 2016 ao Camiño do Norte e Primitivo. “Así, estanse a priorizar as iniciativas destas dúas rutas xacobeas contempladas neste pioneiro plan avanzando no proceso de ordenación, regulación e posta en valor destes itinerarios”, afirmou.
Forte crecemento
Por outra parte, a directora de Turismo de Galicia fixo referencia á importancia do recoñecemento da UNESCO de engadir na Lista de Patrimonio Mundial o ben “Os Camiños de Santiago do Norte Peninsular” o pasado ano, o cal, segundo sinalou, supuxo un novo pulo tanto para o Camiño do Norte como para o Camiño Primitivo.
Deste xeito, a Ruta Xacobea do Norte ten cada vez mais adeptos seguindo unha forte progresión ascendente no seu número de peregrinos acollendo no que vai de ano un total de 17.200 peregrinos, o que supón un incremento de máis do 9% en relación ao mesmo período do ano anterior e consolidándose, así, como a terceira Ruta Xacobea máis transitada, só por detrás do Camiño Francés e Portugués.
Centros de Interpretación
Xunto a este Centro de Interpretación do Camiño do Norte en Mondoñedo, que no que vai de ano recibiu un total de 4.297 visitas, Turismo de Galicia dispón na actualidade doutro Centro de Interpretación no Camiño Primitivo, ubicado en Lugo, e dous puntos de información no Cebreiro e no Centro Internacional de Acollida aos Peregrinos situado na rúa Carretas de Santiago de Compostela.
A función destes centros é ofrecer apoio, información e contidos complementarios ao peregrino para axudarlle a comprender e coñecer dende diversas ópticas o Camiño de Santiago, en xeral, e a ruta concreta na que se atopan, en particular.
“O concerto queda posposto para outro domingo no que Toxo Guayaba nos poida acompañar. Iremos informando”, explican desde a organización.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
