Xogos tradicionais no CEIP de Riotorto

O CEIP de Riotorto acolle o sábado 17 de decembro unha xornada sobre xogos tradicionais a partir das 16.00 horas. O xogo das nenas e nenos veu evolucionando nos últimos anos cara patróns cada vez máis individualistas, centrados en instrumentos tecnolóxicos e as máis das veces influenciados pola publicidade e o mercado. As actividades presentadas nesta xornada están orientadas ou relacionadas co xogo popular e tradicional. Xogos que, co paso do tempo, foron perdendo a súa presenza tanto en escolas infantís coma nas familias.