O delegado territorial visitou hoxe o centro para comprobar o avance dos traballos, que se prevén rematar a próxima semana
Lugo, 21 de xullo de 2025. A Xunta destina preto de 50.000 euros a novas actuacións coas que seguirá mellorando a eficiencia enerxética do CEIP da Pontenova. O delegado territorial en Lugo, Javier Arias, visitou esta mañá o centro para comprobar o avance dos traballos, que se desenvolven agora para non interferir no desenvolvemento da actividade lectiva e que se prevén rematar ao longo da vindeira semana.
Na visita estiveron tamén a directora territorial da Consellería de Educación, Ciencia, Universidades e Formación Profesional, Sagrario Sánchez; e o alcalde da Pontenova, Darío Campos, xunto a outros representantes da corporación municipal e do equipo directivo do centro educativo.
A intervención que se está a executar inclúe a mellora dos teitos das aulas do colexio, coa colocación dunha malla metálica ancorada ás viguetas, a montaxe dun falso teito desmontable con panel acústico, a instalación dun panel tipo led ou o pintado do falso teito de pladur, entre outros. Ademais renovarase o alumeado de emerxencia do centro, cambiaranse os enchufes e procederase á reposición de azulexos na cociña.
Arias explicou que, con esta actuación, o Goberno galego atende “de forma áxil” unha necesidade que a comunidade educativa do CEIP A Pontenova trasladou, por medio da dirección do centro, á Consellería de Educación, Ciencia, Universidades e Formación Profesional. Incidiu ademais na necesidade de que se leven a cabo as tarefas de mantemento ordinario por parte do Concello, que é quen ten as competencias na materia, “á marxe das obras de maior calado que poida executar a Xunta”.
Ademais da actual intervención, a Administración autonómica destinou nos últimos anos preto de 70.000 euros a distintas actuacións no CEIP pontenovés, que supuxeron o arranxo do patio ou a substitución das ventás nun dos andares do centro, o que permitiu xa avanzar na mellora do confort e a eficiencia enerxética do colexio, “unha liña na que estamos a traballar e seguiremos a facelo nos vindeiros meses”.
O delegado territorial referiuse tamén á reestruturación dos grupos de Infantil prevista para o vindeiro curso académico, que dende o Servizo de Inspección da Consellería de Educación explicaron xa ás familias. Neste senso, lembrou que se procederá ao agrupamento de alumnado de segundo ciclo de Educación Infantil pertencente a diferentes niveis “respectando ratios e o calendario de aplicación establecidos”.
Atención médica garantida
Arias visitou tamén o centro de saúde da Pontenova, onde confirmou que os veciños e veciñas do municipio “terán plenamente garantida a asistencia sanitaria no mes de agosto grazas ao esforzo de planificación do Sergas”. Explicou, nesta liña, que se está traballando para que “xa nos próximos días” se poida incorporar un novo médico ao centro de saúde da localidade.
O delegado agradeceu aos profesionais sanitarios o traballo que están a realizar nun momento tan complicado como o actual, “a consecuencia da falta xeneralizada de médicos de atención primaria que se está dando no conxunto de España e ante a cal o Goberno central, que é quen ten a competencia, non acaba de poñer solucións eficaces enriba da mesa”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
