Lugo, 14 de xuño de 2017.- O Grupo Provincial do PP demándalle á Deputación de Lugo que elabore, presente e someta á aprobación do seguinte Pleno o Plan Estratéxico de Subvencións, posto que xa teñen transcorrido máis de dous meses desde que se aprobaron os Orzamentos da institución provincial para o ano 2017 sen que nada se saiba deste documento que debe procurar e garantir a simplificación e racionalización de convocatorias e trámites públicos para a concesión de axudas públicas.
Os populares recordan que o equipo de Goberno traballou en 2016 cun Plan Estratéxico de Subvencións do ano 2015 prorrogado e consideran que no presente ano, os socialistas deberan ter en conta, ademais da lexislación aplicable, a proposta sobre a elaboración dun Plan Estratéxico aprobada pola FEGAMP, o mesmo que se tiveron en consideración os criterios obxectivos en materia de financiamento local para a aprobación do Plan Único cos Concellos.
De feito, existe unha resolución de Presidencia do 5 de xullo de 2016 na que se acorda, ademais de prorrogar o Plan Estratéxico de Subvencións de 2015, impulsar a tramitación e aprobación dun novo plan que teña en conta as previsións do Orzamento do exercicio 2016 e ponderando a posibilidade de darlle unha dimensión plurianual.
Un documento de suma relevancia
A popular precisa que, en aplicación da lexislación vixente, para que a administración estableza e conceda subvencións é obrigatorio que previamente leve a cabo a aprobación dun Plan Estratéxico de Subvencións. Nese documento, tal e como fixan as bases de execución do Orzamento da Deputación de Lugo para o ano 2017, débense concretar os seus obxectivos e efectos, prazo para a súa consecución, custos previsibles e fontes de financiamento.
Desde o PP remarcan a importancia deste documento, en tanto en canto a normativa legal vén a configurar o Plan Estratéxico como o marco a través do cal debe realizarse a política de subvencións das administracións públicas. Nas liñas de subvencións recollidas no plan deben explicitarse as áreas de competencia afectadas e os sectores cara os que se dirixen as axudas, os obxectivos e efectos que se pretenden coa súa aplicación, así como o prazo necesario para a súa consecución, os custos para a súa realización e as fontes de financiamento e o plan de acción.
Desde o PP reivindican a necesidade de contar con este plan co obxectivo de mellorar os niveis de eficiencia e eficacia na xestión do gasto público subvencionable. “Supón unha forma de evidenciar qué se fai e qué resultados se obteñen co diñeiro público da Deputación que se materializa a través do gasto subvencionable e en qué medida se lle dá resposta ás demandas socio-económicas dos administrados”.
“Contar con este plan vainos permitir avaliar se as subvencións cumpren co obxectivo pretendido, a adecuación das liñas, así como o uso correcto da xestión dos recursos públicos que emanan da administración provincial”, detalla.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).