ALFOZ / O VALADOURO, 26 de xullo de 2017.- Os voceiros de Alfoz e O Valadouro, Juan José Fraga e José Manuel Lamela, respectivamente, logo de coñecer a previsión da Xunta de Galicia de incorporar novas paradas de transporte público nestes municipios, agradecen o compromiso do Goberno galego, “pois corríxese unha situación actual, ao tempo que se nos dota dun servizo que ata o de agora non tiñamos, pois eran paradas que non existían. Pasamos de estar incomunicados e comunicados grazas ao Goberno galego”, subliñan.
E é que con esta iniciativa, incluída no novo Plan de Transporte Público de Galicia, garántese, ademais, a conexión co Hospital da Costa e co resto de liñas da comarca e da provincia. “En definitiva, estamos diante dun investimento necesario, e que de seguro saberán valorar os nosos veciños. Mellórasenos a comunicación en todos os sentidos. Cremos que se dá así unha solución a un problema e, unha vez máis, comprobamos quen é a administración que realmente inviste en A Mariña”.
Mellora e ampliación do servizo
As catro novas paradas situaranse en A Seara e Vilaude, no municipio de Alfoz, e en Ferreira, no de O Valadouro. A liña continuará por Foz (con paradas en Santa Icía, Casa da Cultura, estación de autobuses e Nois) e por Burela (Hospital da Costa, Palacio de Cristal e estación de autobuses). Asemade, no conxunto de A Mariña, este novo Plan non só garante a continuidade dos servizos, senón que os incrementa notablemente, ao multiplicar por seis o número de parada con respecto ao actual.
“Os veciños de Alfoz e O Valadouro estaremos mellor comunicados e iso é grazas, sen lugar a dúbida, a unha Xunta de Galicia que se preocupa polos Concellos que estamos máis no interior. Por tanto, consideramos oportuno facer esta valoración”, conclúen.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
