Burela, 21 de setembro de 2017. O Concello ven de adxudicar unha obra para mellorar a accesibilidade en varias rúas céntricas da vila. O presuposto é de 23.000 euros. O edil Ramiro Fernández Rey agarda que os traballos dean comezo en outubro. Tamén inclúen a colocación dun sumidoiro lonxitudinal na rúa do Río.
O concelleiro de Obras explicou este mediodía que “desde o Concello de Burela procedemos á adxudicación dunha obra que nós entendemos que é moi importante, pois trátase da mellora da accesibilidade nas rúas céntricas de Burela. Esta actuación, que vén encadrada dentro do Plan Único da Deputación, foi adxudicada cun prezo 23.161,65 á empresa Cazás, de Burela”.
Ramiro Fernández dixo que “é unha obra que é moi importante para este equipo de goberno posto que a intención é mellorar a accesibilidade, sobre todo para a xente que ten máis dificultades para moverse polo pobo. Ademais disto inclúe unha actuación que xa anunciamos anteriormente, que é a colocación dun sumidoiro lonxitudinal na rúa do Río, que entendemos que vai evitar ou minorar que, en caso de grandes choivas, se poidan producir inundacións na Avenida Arcadio Pardiñas, como veu pasando durante moitos anos. Esta é unha actuación que nos viñan reclamando moitos comerciantes da Avenida Arcadio Pardiñas. É un sumidoiro que vai conseguir que a auga non chegue en tanta cantidade a esa rúa, pois vai ter unha conexión directamente ao río, co cal entendemos que se vai minorar moito ese problema que había aí”.
Para o edil burelés “esta é unha obra importante. Nosoutros temos que ter en conta á xente que ten máis dificultades. Vamos adaptar á normativa moitos pasos nas beirarrúas e vamos facer outras actuacións novas, unhas das máis importantes van ser nos colexios e na nova gardería, onde aínda non estaban adaptados os pasos para persoas con discapacidades nesas zonas”.
O Concello de Burela adxudicou unha obra para a mellora da accesibilidade á empresa Cazás, de Burela. O presuposto ascende a 23.000 euros e o concelleiro Ramiro Fernández Rey agarda que os traballos se inicien en outubro
Relacionado
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
