Burela 11-11-17. O Pescados Rubén Burela FS sumou esta tarde o quinto triunfo consecutivo, ante Soto do Real (8-1), nunha tarde na que o brillo goleador das mariñás estalou no segundo período, tras chegar ao descanso con 1-1. Esta vitoria permítelles ás laranxas defender o coliderado xunto a Atlético de Madrid Navalcarnero, que tamén quedou cos tres puntos da xornada 9 na pista do UCAM ElPozo Murcia (3-4).
Malia atopar axiña a rede sotorrealeña, con diana de Lara nunha recuperación de Dany, xa no minuto 3, ás galegas resistíuselles a finalización durante o primeiro acto. Ás pupilas de Julio Delgado e Lucas faltoulles paciencia e iso fixo mella nos últimos metros ante un rival que deu a cara a base de defensa e co contragolpe como recurso desequilibrante, con escaso perigo. A falta de pouco máis de tres minutos para o descanso, o Soto conseguiu o empate nunha vaselina de Stone tras pase longo de Helen desde a portería. Bea Mateos enfundouse na camiseta morada para atacar de cinco; Julia Forsiuk tivo o segundo nos seguintes compases con bo bloqueo da meta. Non conseguiron atopar o tan merecido gol as burelistas antes do descanso; ata tiveron o susto, a falta de 57 segundos, dun balón despexado na pista das de Eva López que case roza o pau local.
Saíron cunha marcha máis as de Julio Delgado e Lucas no reinicio para romper o encontro. Aínda non se cumpriran os tres minutos de xogo e o 4-1 xa lucía orgulloso en Vista Alegre, con marca de Lara, asistida por Bea Mateos; Dany, en pase de Cilene, tras unha brillante xogada colectiva; e para rematar cos papeis invrstidos no tándem brasileiro, coa 6 laranxa, servida pola 3 nunha formidable contención do esférico. Bea Mateos ampliou a fenda co 5-1, no 27, en estratexia tras a falta de Jaione. Superado o ecuador da segunda parte, o Burela FS volveu vivir un minuto de ouro, o 32, con tres novas dianas. Cilene subiu o 6-1 finalizando un contragolpe; Dany subiu o sétimo a porta baleira na primeira tentativa do Soto con xogo de cinco, en recuperación tras saque de centro; e a Xoia Laranxa, Sofía, culminou a xesta fronte a Helen co oitavo.
Ficha técnica
Pescados Rubén Burela FS: Ana Romero, Cilene, Lara, Bea Mateos, Julia Forsiuk, cinco inicial; tamén xogaron Dany, Sara Correia, Sofía, Jozi
VP Soto do Real: Helen, Murchi, Coral, Stone, Gabs, cinco inicial; tamén xogaron Chili, Jaio, Sandra
Goles: 1-0, minuto 3, Lara; 1-1, minuto 16, Stone; 2-1, minuto 22, Lara; 3-1, minuto 23, Dany; 4-1, minuto 23, Cilene; 5-1, minuto 27, Bea Mateos; 6-1, minuto 32, Cilene; 7-1, minuto 32, Dany; 8-1, minuto 32, Sofía
Árbitros: Hevia Campa // Santoveña Fernández (Asturias). Por Soto amarela a Jaio (minuto 27)
Incidencias: Partido correspondente á xornada 9 de Primeira RFEF disputado en Vista Alegre ante máis de 500 persoas
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
