Foz a 02 de Xaneiro de 2018. O pasado 28 de decembro celebrouse o pleno deste mes, e como ven sendo habitual antes de rematar o pleno,“FOZ PLATAFORMA DE FUTURO”,formulou tres rogos e tres preguntas o sr. Alcalde e o seu equipo de goberno.
Os rogos foron os seguintes:
1.Rogámoslle ó Alcalde e o seu equipo de goberno que proceda a pintar pasos de peóns na Rúa Concello de Xove como nos reclaman os veciños nos últimos tempos.
2.Rogámoslle que procedan a cambiar unha varanda que se atopa en moi mal estado na Rúa Concepción Arenal.
3.Rogámoslle ó Alcalde e o seu equipo de Goberno que continúe coa reordenación do tráfico na prolongación da Rúa do Pilar, despois do cruce do Mercadona ata a Rúa fonte da Cruz.
Preguntas mes de xuño.
1.¿Pensa o Equipo de Goberno facer algunha actuación no Parking Municipal do Pema tralo derrubamento que se produciu tralos últimos temporais ?
Resposta: Pertence a Puertos de Galicia, e xa están avisados para que procedan a facer a reparación pertinente.
2.¿Sabe o Equipo de Goberno cal foi o motivo polo que non se realizou este ano o Festival do asilo?
Resposta: Non se realizou porque se está xa tramitando a apertura da Nova Residencia.
3.No pleno do pasado mes de Novembro aprobouse facer unha charla informativa ,no prazo dun mes, cos veciños para explicar a obra da Avda. Da Mariña, o mes xa pasou, ¿Sabe o Equipo de Goberno cando vai a ter lugar ese acto?
Resposta: Dende que pasen as Navidades se procederá a facer a Charla informativa cos veciños e veciñas.
FOZ PLATAFORMA DE FUTURO seguirá sendo a voz dos veciños no noso concello, trasladando todas aquelas inquedanzas ou suxestións que poidan xurdir.
Unha primeira xornada chea de risas, descubrimentos e moita calma da man de Rosa, e das súas acompañantes caninas Vilma e Tila. Todos os martes, de 12:00 a 13:00 h, haberá este espazo no que aprenderase a identificar, expresar e xestionar o que se sinte dentro do programa Enredando no verán. Está dirixido a nenos e nenas de 3 a 6 anos. Inscricións para o Taller de emocións na Casa da Cultura: casadacultura@concellodecervo.com, tel: 982 595 157.
O 112 Galicia recibiu o aviso ás 5:30 horas desta madrugada de martes. Cando sucedeu o accidente, a vítima estaba a traballar no servizo de recollida de lixo, na Rúa da Igrexa, en Ourol. Alí acudiu unha dotación de Urxencias Sanitarias de Galicia-061, quen deu a voz de alerta. Sen embargo, nada puido facerse por este traballador, do que avanzaban quedou inconsciente tras a caída do camión da recollida do lixo. Para apoiar as labores do equipo médico, desde o 112 Galicia, solicitouse a intervención dos axentes da Garda Civil e dos voluntarios de Protección Civil de Ourol.
O cambio de emprazamento débese á celebración do Mercado Renacentista.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
