Burela 17-2-18. O Pescados Rubén Burela FS non puido seguir coa dinámica positiva da segunda volta. Foi na pista do Barcelona B Lassa (5-4) na xornada 21, nunha cita na que os locais levaron a batuta no electrónico desde os compases iniciais. O cadro de Juanma Marrube reaccionou con contundencia superado o ecuador da segunda parte, atopou o 5-4 con porteiro xogador no 37 e dispuxo de ocasións ata o suspiro final.
Dúas boas defensas situáronse na pista. O pau freou unha de ouro dos laranxas e foi o conxunto local o que se adiantou no marcador xa no minuto 2, con diana de Cardona nun disparo afastado, que ampliou Hugo Alonso cumpríndose o ecuador da primeira parte. O Pescados Rubén conseguiu reducir distancias nas zapatillas de Hélder en acción individual, a falta de 3 minutos para o descanso, pero de novo os cataláns atoparon a portería de Edu, con Uri Santos, rozando o descanso.
Os de Juanma Marrube frearon a avalancha local tras a expulsión de Renato, coa segunda amarela no minuto 23. No 28, os locais anotaron o cuarto. Luisma, nunha xogada ensaiada, liderou a remontada co 4-2 no minuto 31 e a escasos segundos Chus conseguiu reducir co 4-3. A serenidade recuperada polo Barcelona no minuto 37, co 5-3 de Roberto, atopou reacción inmediata dos galegos con Chus, con xogo de cinco. Os barceloneses sacaron o empate sobre a bocina.
Ficha técnica
FC Barcelona B Lassa: S. Sahuquillo, Uri Santos, Luís, Nil Closas, A Cardona, cinco inicial; tamén xogaron Hugo Alonso, Daniel, Peiro, Rober, Juan José
Pescados Rubén Burela FS: Edu, Hélder, Chus, Colacha, Renato, cinco inicial; tamén xogaron Víctor, Pope, Luisma, Héctor
Goles: 1-0, minuto 2, Cardona; 2-0, minuto 10, Hugo Alonso; 2-1, minuto 17, Hélder; 3-1, minuto 20, Uri Santos; 4-1, minuto 28, Luís García; 4-2, minuto 31, Luisma; 4-3, minuto 31, Chus; 5-3, minuto 37, Roberto; 5-4, minuto 37, Chus
Árbitros: Sánchez López // Sanclemente Elvira. Por Barcelona amarela para Oriol Santos, Nil Closas, Rober. Por Burela amarela para Chus, Luisma, Renato (dobre amarela)
Incidencias: Partido correspondente á xornada 21 de Segunda LNFS, disputado na Cidade Deportiva Joan Gamper
O acto é aberto a quen queira participar neste recoñecemento. O grupo, con 80 anos de historia e formado por persoas de Figueras, Castropol, Vegadeo e Ribadeo, escolle este ano a Ribadeo para distinguir unha figura local, retomando a liña iniciada hai tres décadas con Luz Pozo Garza. As inscricións están abertas ata o luns 17 de agosto no número 680 13 24 24. Agárdase unha ampla participación.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
