Lugo, 21 de febreiro de 2018.- O Grupo Provincial do PP presenta unha iniciativa para o Pleno do vindeiro martes na que solicita que a Deputación de Lugo asuma a parte económica que teñen que poñer os concellos para o funcionamento dos xeodestinos; o de Lugo-Terra Chá-Sarria, o de Ancares-O Courel e os da Mariña e Ribeira Sacra.
Os populares explican que a normativa turística de Galicia contempla a figura dos xeodestinos, que teñen por obxecto mellorar a promoción turística da provincia, grazas á colaboración e posta en común dos esforzos que neste ámbito realizan os distintos concellos agrupados. Ao mesmo tempo, esta figura permite acceder ás axudas directas e convenios de colaboración que para este fin dirixe cada ano a administración autonómica a través de Turismo de Galicia.
A Xunta completa o mapa turístico lucense
Así, en novembro de 2017 a provincia de Lugo completou o seu mapa turístico e contará definitivamente con dous novos xeodestinos, o de Lugo-Terra Chá-Sarria e o de Ancares-O Courel. Deste xeito, a Xunta de Galicia, promotor da creación desta figura, cumpre co obxectivo de completar o novo mapa turístico lucense, que comprenderá ao cen por cen a totalidade do territorio da provincia, ao sumarse os dous novos aos xeodestinos da Mariña e da Ribeira Sacra.
Os populares consideran que hai que ter en conta que unha das principais competencias das deputacións provinciais é a asistencia económica aos municipios, especialmente a aqueles de menos capacidade económica e de xestión. Así o establece a Lei 7/1985, de 2 de abril, reguladora das bases de réxime local no seu artigo 36.1.b): “A asistencia e cooperación xurídica, económica e técnica aos Municipios, especialmente os de menor capacidade económica e de xestión (…)”; e no seu artigo 36.1.d): “A cooperación no fomento do desenvolvemento económico e social e na planificación do territorio provincial, de acordo coas competencias das demais Administracións Públicas neste ámbito”.
Polo tanto, e tendo en conta que os concellos deben poñer unha cantidade económica para o funcionamento da mancomunidade ou consorcio que xestiona os xeodestinos, desde o Grupo Provincial Popular solicitan que a Deputación Provincial de Lugo asuma a contía que deberían costear os concellos, para o que esperan contar co apoio da Corporación.
Un sector estratéxico
O Grupo Provincial do PP presenta esta iniciativa tendo en conta que o sector turístico “é absolutamente estratéxico e prioritario na nosa provincia e entendendo ademais que se trata dun bo mecanismo para loitar contra a despoboación e para, dende os concellos, dar oportunidades de emprego aos nosos veciños e veciñas”.
“A provincia de Lugo é un lugar fantástico que vale a pena recorrer, dun extremo a outro, dado a enorme beleza da súa paisaxe, patrimonio cultural, histórico, artístico e as súas grandes extensións de praias, todos elos atractivos turísticos nada desdeñables”, apuntan.
Así, os populares cren que desde as administracións públicas “debemos saber implementar o noso potencial cunha estratexia que consolide a nosa posición coa finalidade de que as actividades turísticas sigan creando actividade económica, riqueza e o que é máis importante; emprego”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
