É certo o que di Manuel Rivas, os libros arden mal, moi mal se o obxecto de queimar é que desaparezan. Intentouse varias veces na historia da humanidade sen resultados óptimos.
No caso da obra Fariña, tan en boga, non é a fogueira de San Xoán o risco , é a acción da xustiza que nin máis nin menos decreta un secuestro, manda truco. Secuestro que se fai na décima edición, que ven sendo máis ou menos, como suturar unha arteria con tiras. Quero pensar que a xuíza algo se ruborizou na aplicación de tan efectiva medida, recollida no marco xurídico da moderna España.
Vaia por diante que non teño o libro en cuestión, pero aseguro que xa está de primeiro na miña lista de desexos por se alguén se apunta. Agora que Galaxia estaba artellando a edición en galego, seguro que moitos e moitas xa tiñamos espazo reservado. Teño porén unha suxestión á editorial e a Nacho Carretero: Editádeo en Portugal!!! Está visto que a única maneira de poñer en evidencia a nosa arcaica xustiza e internacionalizar os procesos, ademais seguro que en AGAL apoian esta suxestión.
Estou imaxinando as librarías da raia recibindo a peregrinación dos galegos a mercar o libro secuestrado, como en outros tempos, eu prometo ir.
Ó final tende en conta que foron Bélxica e Suíza, poñendo os puntos nos asuntos para aqueles que queren entender, quen frearon en seco as aspiracións dalgún xuíz, quizais por medo ó ridículo internacional e puxeron en evidencia algunha actuación legal, queda moito por escribir nese eido e seguro que nada favorable á marca España.
O feito da aplicación de este tipo de medidas polos noso árbitros xurídicos e ás claras a mostra de que os políticos que lexislan en “San Jerónimo” están a outras cousas, cando tiñan que estar traballando na modernización e adecuación do marco xurídico. Secuestrar libros no S. XXI, na décima edición e con internet a todo gas é un exemplo de modernidade.
Merece especial mención que saíndo só en dúas ou tres liñas o ex-alcalde do Grove estase a des tapar case como un personaxe principal da trama cando menos como bendita promoción. Dicir tamén que por-suposto ten dereito Bea Gondar á defensa da súa persoa, o problema non reside nel, reside no marco xurídico que ampara medidas que a todas luces non serven de nada, por iso penso que pode ser unha boa estratexia publicar o libro en Portugal, pode ser de traca unha eurorde de secuestro dun libro.
Spain is Different canta razón tiña Fraga.
Piñeiro Docampo
Sº Xeral de CxG.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
