Trabada 16-5-18. 16, maio, 2018. O Grupo Municipal do PP de Trabada lamenta que a alcaldesa vaia someter hoxe ao Pleno da Corporación un convenio sobre a residencia de maiores que é prexudicial para os intereses do Concello. Tanto é así, precisan, que o primeiro que habería que facer é dispor dun estudo económico no que se aclare cómo se xustifica ese gasto que previsiblemente incumprirá o plan de estabilidade municipal.
O PP absterase na votación desta tarde ao entender que o convenio que debe rexer para a residencia de Trabada é o asinado xa no ano 2011 e máis tendo en conta que o novo texto que a alcaldesa somete ao Pleno supón un investimento maior. Os populares consideran que o convenio do ano 2011 favorece economicamente ao Concello, mentres que o novo nin tan sequera aclara a contía exacta que corresponde asumir.
Á vista do novo convenio a estimación que fai o PP achégase aos 87.000 euros anuais para o Concello, derivados do funcionamento da residencia e sen contar os custos do centro de día; un importe que co anterior convenio non existe. “Queda claro que a alcaldesa defende antes os intereses do seu partido político que os do Concello”, explican.
Desde o PP lamentan que, sendo Trabada un dos Concellos que contan co Permiso de Inicio de Actividade (PIA) outorgado pola Xunta de Galicia os so-cialistas estean a poñer paus nas rodas para demorar a súa apertura, sen ter en conta as necesidades dos veciños e veciñas potenciais usuarios do centro.
O voceiro dos populares, José Manuel Yanes Ginzo, asegura que durante o seu Goberno se fixo un investimento de 289.900 euros, sendo a posta en marcha e a xestión competencia da Deputación e agora aceptan unha proposta que trae consigo un custo elevadísimo para o Concello e que nin sequera está cuantificado na súa totalidade. “Non saben nin o que asinan”, indica.
Castroverde non asinou este convenio
Os populares aclaran que esta decisión non se sostén, como así demostra o feito de que outros concellos, como o de Castroverde, tamén gobernado polo PSOE como Trabada, decidiran non asinar o novo convenio ao entender que é prexudicial para o Concello e que as entidades locais non poden asumir os novos gastos que carrexa.
Así, desde o Grupo Municipal do PP recordan que primeiro os socialistas fixeron todos os trámites a través da Sociedade Urbanística Provincial, por ser quen ten a encomenda de xestión (incluída a construción e xestión) sobre as residencias, para despois dar un xiro inexplicable na súa acción retirándolle as competencias a Suplusa para darllas á Deputación.
Os populares de Trabada consideran que “cada día que pase” coa residencia pechada será responsabilidade de Mayra García, que como alcaldesa e depu-tada provincial está a poñer atrancos para impedir que as instalacións poidan empezar a funcionar. Lamentan que a falta de entendemento e os desaguisados internos que ten o PSOE na Deputación vaian manter paralizadas unhas instalacións nas que se investiron preto de 1,5 millóns de euros.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
