Foz, 5 de xuño de 2018. O alcalde de Foz, Javier Jorge Castiñeira, anunciou hoxe que retoma as negociacións para intentar chegar a acordos cos grupos da oposición co fin de aprobar o orzamento municipal deste ano, porque “é necesario para o benestar dos veciños”. O rexedor explica que, despois de fracasar as xuntanzas conxuntas, agora negociará de maneira individual con cada un dos grupos para intentar chegar a un acordo que permita poñer en marcha a residencia de maiores, entre outros asuntos importantes para Foz.
Javier Castiñeira declarou que: “despois duns días complicados desde o equipo de goberno non tiramos a toalla, estamos convencidos de que é necesario e obrigado chegar a un acordo, aínda que sexa de mínimos. Dende o equipo de goberno imos tratar de atopar algunha posibilidade de acordo cos grupos da corporación posto que é necesario para o benestar dos nosos veciños. Primeiro imos rebaixar a tensión existente e tratar de esgotar ao máximo os últimos cartuchos das negociacións. O equipo de goberno está disposto a seguir cedendo xa que non saíron adiante os orzamentos no pleno do xoves pasado, pero é necesario buscar un entendemento”.
O alcalde manifesta que “non chegaron dúas xuntas de portavoces, unha comisión e un pleno, polo que entendemos que o formato de reunións colectivas non funcionou. Entón ímolo facer de forma individualizada, imos dar un marxe duns días para falar cos grupos, para facer unha serie de propostas de mínimos e creo que poderemos chegar a un acordo”.
O rexedor salienta que “o fin fundamental é aprobar uns orzamentos mínimos que cumpran co plan económico financeiro e que nos permitan con elo sacar adiante a residencia de anciáns. Cremos que aínda hai marxe e ferramentas para discutir a saída do xeriátrico coa xestión municipal, hai ferramentas que nos van valer aos grupos para poder sacalo porque é o mellor para os nosos veciños”.
Javier Castiñeira engade: “desde o equipo de goberno propoñemos dez días de negociacións, farémolo de forma individualizada cos grupos. Farémoslles chegar as nosas propostas. Espero tamén que os grupos fagan o seu traballo, que eviten calquera circunstancia política e que simplemente teñamos á vista o que son os intereses dos nosos veciños”.
Para o alcalde “a tensión destes últimos días non é boa para ninguén. Nós tamén nos comprometemos a rebaixala, a seguir coa liña que tivemos durante estes tres últimos anos e que trouxo bos acordos para o pobo de Foz. Imos facer todo o posible durante esta semana para que de forma individualizada os grupos o teñan moito máis fácil para tomar decisións en positivo e non como no último pleno do pasado xoves no que o resultado foi nefasto, sobre todo para os intereses dos nosos veciños”.
O Alcalde de Foz levará a cabo xuntanzas individuais cos grupos da oposición para tratar de chegar a acordos que permitan aprobar o orzamento municipal deste ano e abrir a residencia de maiores
Relacionado
-
O Grupo Socialista urxe á Xunta a adaptar a formación náutico pesqueira ás novas realidades do sector para impulsar a remuda xeracional
-
Vilalba inicia a renovación da rede de abastecemento da rúa Cidade de Viveiro
-
O PP critica no Senado a exclusión de miles de profesionais das axudas aos carburantes
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
