Lugo 2, agosto, 2018. O Grupo Provincial do PP vén de presentar unha solicitude ante os rexistros da Deputación Provincial e da Sociedade Urbanística Provincial de Lugo SA (SUPLUSA) pedindo unha “solución inmediata” para que os traballadores desta sociedade cobren as nóminas que se lles adebedan. “O Goberno da Deputación e o presidente de SUPLUSA están “condenados a entenderse” para “facer cumprir o acordo plenario”, asegura a voceira popular, Elena Candia.
Nese sentido, a propia Candia lamentou que “o presidente da Deputación de Lugo lle dea as costas aos 29 traballadores desta sociedade desoíndo as súas obrigas” cando “é a propia Deputación a responsable de que estes traballadores non cobren”.
Os populares “pedímoslle ao presidente que se implique na solución deste conflito cumprindo o acordo plenario no que solicitabamos unha solución para os 29 traballadores desta sociedade dependente da Deputación Provincial de Lugo”. O Grupo Popular presentaba, nada máis coñecer que non cobraran as nóminas correspondentes ao pasado mes de xullo, unha moción de urxencia que foi aprobada o pasado martes 31 de xullo cos votos en contra do Grupo Socialista.
A voceira popular apostou por aplicar a base 35 de execución do Orzamento provincial 2018 coa que ofrecer “unha solución inmediata para que cobren e haxa tempo para cubrir esa praza”. De feito, Candia recordoulle ao equipo de Goberno que “teñen a posibilidade de resolver esta situación, como fan con moitos Concellos da provincia cando teñen vacantes de Intervención”.
Solucións do PP ante “o enfrontamento perpetuo” dos socialistas e o deputado non adscrito
A voceira do Grupo Provincial Popular defendeu que “é este Grupo o que, de novo, ten que impulsar medidas suplindo a falta de acción do Goberno provincial ante unha situación inxusta para 29 dos traballadores que dependen da Deputación de Lugo”.
Ademais, Candia recordou que se trata dunha situación “propiciada polo enfrontamento perpetuo e case enfermizo” entre o Grupo Socialista e o deputado non adscrito e presidente de SUPLUSA.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.