Lugo, 17 de setembro de 2018.- A Consellería de Cultura, Educación e Ordenación Universitaria destinará este curso máis de 20.000.000 euros a sufragar os servizos de comedor e transporte escolar nos colexios e institutos da provincia de Lugo
O delegado territorial da Xunta, José Manuel Balseiro, deu hoxe a coñecer os datos relativos á prestación de ambos servizos e destacou o esforzo inversor que “proba a aposta do Goberno de Galicia polo ensino público e polo rural”.
Así, explicou Balseiro, máis de 10.200 alumnos e alumnas da provincia fan uso diariamente destes servizos, que “inflúen directamente sobre o grao de equidade do sistema educativo”, xa que pretenden “salvar as dificultades de acceso ao ensino derivadas da dispersión xeográfica e doutras situacións de desvantaxe social, económica ou de calquera índole”. En xeral, a maioría dos alumnos que utilizan o transporte escolar tamén fan uso do servizo de comedor.
En concreto, este curso a Consellería xestiona os comedores escolares de 104 centros lucenses, dos que fan uso este curso 10.227 alumnos e alumnas. Igualmente, utilizan o transporte escolar 10.248 nenos e nenas de 118 centros da provincia. A prestación deste servizo obriga a asinar 364 contratos coas empresas de transporte que cobren diariamente 617 rutas.
A maiores, a consellería inviste 61.590 euros en 41 axudas individualizadas para sufragar os custos de desprazamento das familias en casos puntuais nos que resultaría complexo habilitar unha ruta.
Inauguración do curso en secundaria
O delegado territorial inaugurou o curso escolar de secundaria no Instituto Xograr Afonso Gómez de Sarria, onde destacou a normalidade coa que discorreu a volta ás clases dos 12.300 estudantes lucenses de educación secundaria, bacharelato e ensinanzas en réxime especial nos 79 institutos da provincia.
Os datos de matrícula son aínda provisionais dado que nos últimos días realizáronse exames de recuperación en secundaria e tampouco se contempla o alumnado de FP, ensinanzas nas que aínda é posible matricularse.
José Manuel Balseiro lembrou que nos últimos días regresaron ás aulas 32.545 estudantes lucenses de Primaria e Secundaria. Neste sentido, explicou que “durante o verán, a Xunta investiu 1,6 millóns de euros en distintas obras para a posta a punto dos nosos colexios e institutos, realizando traballos en 46 centros de 30 concellos”.
Ademais, nos últimos meses impulsáronse cinco grandes obras de remodelación integral, que suman 4 millóns de euros de investimento, nos centros Veleiro do Campo (Castro de Rei), Lois Tobio (Viveiro), Lagostelle (Guitiriz), colexio das Mercedes (Lugo) e a ampliación do colexio Laverde Ruíz en Outeiro de Rei.
Para rematar, Balseiro fixo referencia “aos importantes proxectos que se acometerán a curto prazo”, entre os que destaca o novo colexio do Sagrado Corazón (en Lugo) cun investimento aproximado de 4 millóns de euros.
Tamén están previstas importantes reforma no Luis Pimentel (Lugo), no colexio de Láncara e no IES Sanxillao, cada unha delas cun investimento de arredor de medio millón de euros.
Con motivo desta celebración, acercouse ao seu domicilio a alcaldesa, Efigenia Maseda, como representante do Concello, para agasallalo cunha cesta de produtos variados. A alcaldesa afirma que “cumprir 103 anos é algo excepcional e merece todo o recoñecemento do Concello”.
Unha nova edición que está organizada pola Asociación Clásicos Mindonienses Mira e Anda e que conta coa colaboración do Concello de Mondoñedo, o Concello de Abadín e os locais de hostalería Finca San Antonio, Perlora e A Taberna da Galiana de Mondoñedo.
Os feitos delituosos tiveron lugar a pasada fin de semana, cando o presunto autor tentou acceder ao interior das instalacións da piscina municipal, ocasionando danos á porta de acceso por un valor de 600 euros. No marco da investigación procedeuse á súa detención ao constarlle unha requisitoria en vigor dimanante do Xulgado do Penal nº 1 de Lugo de detención, comparecencia e ingreso en prisión. A persoa detida foi trasladada para o seu ingreso no centro penal de Bonxe.
Con esta iniciativa, aberta para todas as persoas nadas en 2018 ou en anos anteriores, búscase incentivar á práctica deportiva á vez que poñer en valor uno dos enclaves naturais do municipio. A actividade desenvolverase en horario de mañá de 10:00 a 14:00 horas, e conta cun número limitado de prazas. Por iso, será necesario realizar unha inscrición gratuíta a través dun formulario dispoñible nas redes sociais do Concello. O prazo de inscrición estará aberto ata o luns 2 de xuño ás 14:00 horas. As prazas iranse adxudicando por orde de inscrición.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Os feitos iniciáronse o pasado martes, cando unha patrulla identificpi a unha veciña de Cervo, de 32 anos de idade, a cal, ao observar a presenza dos axentes apeouse do vehículo que conducía, permitindo que o seu acompañante continuase o traxecto. A maneira de actuar de ambos levanto as sospeitas dos axentes, polo que se procedeu a identificar aos dous ocupantes do turismo, comprobando que a persoa que inicialmente o conducía nunca obtivera permiso de conducir algún. Transcorridas menos de 24 horas e, paradoxalmente no mesmo lugar, observouse a un veciño de Mondoñedo de 51 anos de idade, o cal conducía un vehículo malia constarlle unha perda de vixencia do permiso de conducir por esgotamento de puntos. As dilixencias policiais foron remitidas ao Xulgado de Instrución de Garda de Mondoñedo.
É a 15ª edición que, nesta ocasión, se celebrará as fins de semanas do 16-17 de maio (na zona de Abrela, Folgueiro e San Román) e do 23 e 24 de maio (na zona de O Vicedo). Unha oportunidade de probar as especialidades dos restaurantes e cafeterías locais e de participar nun sorteo de 2 pranchas de asar. Os establecementos participantes entran no concurso ao mellor pincho que será votado exclusivamente polos clientes que acudan mediante voto directo en urna con cada pincho que terá un prezo de de 4€.
